شىمكەنتتە ءتۇن جارىمىندا جاراپازان ايتىپ جۇرگەن 14 بالا انىقتالدى

None
None
شىمكەنت. قازاقپارات - شىمكەنتتە جاراپازان ايتىپ جۇرگەن 14 ءجاسوسپىرىم انىقتالدى، دەپ حابارلايدى Polisia.kz.

شىمكەنت قالالىق پ د يۋۆەنالدى پوليتسيا قىزمەتكەرلەرى كامەلەتكە تولماعاندار اراسىنداعى جانە ولارعا قارسى جاسالاتىن قۇقىق بۇزۋشىلىقتاردىڭ الدىن الۋ ماقساتىندا «تۇنگى قالاداعى بالالار» پروفيلاكتيكالىق ءىس- شاراسىن جۇرگىزىپ جاتىر. ناتيجەسىندە، قالا اۋماعىندا جۇرگىزىلگەن رەيد بارىسىندا 44 اكىمشىلىك قۇقىق بۇزۋشىلىق تىركەلگەن.

اتاپ ايتقاندا، جاراپازان ايتىپ جۇرگەن 14 ءجاسوسپىرىم، تۇنگى ۋاقىتتا ويىن- ساۋىق ورىندارىندا بولعان ەكى ءجاسوسپىرىم، زاڭدى وكىلىنسىز تۇرعىن ۇيدەن تىس جەرلەردە بولعان 27 بالا انىقتالدى. سونداي- اق، كامەلەتكە تولماعانداردىڭ ويىن- ساۋىق ورىندارىندا بولۋىنا جول بەرگەن ءبىر مەكەمەگە قاتىستى اكىمشىلىك حاتتاما تولتىرىلعان.

اتالعان جايت بويىنشا تۇنگى ۋاقىتتا مەكتەپ وقۋشىلارىنىڭ قاداعالاۋسىز ءجۇرۋىنىڭ الدىن الۋ ماقساتىندا شىمكەنت قالاسىنىڭ ءبىلىم باسقارماسىنا ۇسىنىس جولدانىپ، بالالار مەن اتا- انالار اراسىندا تۇسىندىرمە جۇمىستارى جۇرگىزىلدى.

- ءبىز مۇنداي پروفيلاكتيكالىق ءىس- شارالاردى ۇنەمى جۇرگىزىپ وتىرامىز. ونداعى ماقسات - قالا تۇرعىندارىنىڭ قاۋىپسىزدىگى مەن تىنىشتىعىن قامتاماسىز ەتىپ، قىلمىستىق جايتتاردى بولدىرماۋ جانە ونىڭ الدىن الۋ. وسى تۇستا، قۇرمەتتى ازاماتتار زاڭ بارىمىزگە ورتاق ەكەنىن ەسكەرتەمىن. ءوز بالالارىڭىزدىڭ ءتارتىبى مەن قاۋىپسىزدىگى ءۇشىن جاۋاپتى ەكەندەرىڭىزدى نازاردا ۇستاڭىزدار، - دەدى شىمكەنت قالاسى پ د باستىعى قايرات دالبەكوۆ.


سوڭعى جاڭالىقتار