قۇس اتامىن دەپ ءوزى وققا ۇشتى: جامبىل وبلىسىندا 14 جاسار بالا كوز جۇمدى
مەركى اۋدانى پوليتسيا بولىمىنە اۋداندىق ورتالىق اۋرۋحانادان تەسكەنتوعان اۋىلىنىڭ كامەلەتكە تولماعان 14 جاسار تۇرعىنى پنيەۆماتيكالىق قارۋدان اتىلعان وقتان العان دەنە جاراقاتىنان قايتىس بولعانى تۋرالى حابار تۇسكەن.
وقيعا ورنىنا جەتكەن جەدەل-تەرگەۋ توبى قازا بولعان بالا ءوزىنىڭ دوسىمەن بىرگە اتا-اناسىنىڭ رۇقساتىنسىز قارۋدى الىپ، دالادا قۇس اتىپ جۇرگەن كەزىندە جاراقات العانىن انىقتادى.
«اتالعان دەرەك تىركەلدى. قازىرگى ۋاقىتتا جامبىل وبلىسى پوليتسيا دەپارتامەنتىنىڭ قىزمەتكەرلەرىنەن جەدەل-تەرگەۋ توبى قۇرىلىپ، وقيعانىڭ بۇكىل ءمان-جايىن انىقتاۋ جانە وبەكتيۆتى زەرتتەۋ ماقساتىندا تەرگەۋ ءجۇرىپ جاتىر. قازاقستان رەسپۋبليكاسى قىلمىستىق پروتسەستىك كودەكسىنىڭ 201-بابىنا سايكەس، تەرگەپ-تەكسەرۋدىڭ باسقا دەرەكتەرى جاريالانۋعا جاتپايدى»، - دەلىنگەن پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
وسى ورايدا ۆەدومستۆو بۇكىل اتا-انالارعا بالالارىڭا اباي بولۋدى، تىركەلگەن قارۋدى زاڭمەن بەلگىلەنگەن تارتىپتە ساقتاۋعا شاقىرادى.
