پرەزيدەنتتىك جاستار كادر رەزەرۆىنە 14 مەملەكەتتەن ءوتىنىم بەرىلدى

نۇر-سۇلتان. قازاقپارات - پرەزيدەنتتىك جاستار كادر رەزەرۆىنە قاتىسۋشىلاردى تىركەۋ اياقتالدى.

1 - قىركۇيەكتەن 1 - قازانعا دەيىن كادر رەزەرۆىنە قاتىسۋعا 8638 ادام ءوتىنىم بەردى، دەپ حابارلايدى قازاقپارات ءتىلشىسى ق ر مەملەكەتتىك قىزمەت ىستەرى اگەنتتىگىنە سىلتەمە جاساپ.

ءوتىنىم بەرگەن 8638 قاتىسۋشىنىڭ اراسىندا 5133 ەر ادام جانە 3505 ايەل بار. مەگاپوليستەر بويىنشا نۇر-سۇلتان قالاسىنان 1540، الماتىدان - 490، شىمكەنت قالاسىنان - 688 ۇمىتكەر قۇجات تاپسىرعان.

ال وڭىرلەر اراسىندا الماتى وبلىسى - 655، جامبىل وبلىسى - 567، تۇركىستان وبلىسى - 564 جانە قوستاناي وبلىسى - 463 ۇمىتكەرمەن الدىڭعى قاتاردا تۇر.

ودان كەيىن قىزىلوردا وبلىسى - 435، قاراعاندى وبلىسى - 428، اتىراۋ - 397، اقتوبە - 365، ماڭعىستاۋ - 348، ب ق و - 347، ش ق و - 324، س ق و - 308 جايعاسقان جانە ەڭ از ۇمىتكەر ازىرگە پاۆلودار وبلىسىندا - 286. سونداي-اق، بيىل پرەزيدەنتتىك جاستار كادر رەزەرۆىنە قازاقستاننان بولەك، 14 مەملەكەتتەگى قازاقستاندىقتار تىركەلگەن.

اتاپ ايتقاندا، ا ق ش- تان 6، تۇركيادان - 3، گرۋزيادان - 3، ۇلى بريتانيادان - 2، بىرىككەن اراب امىرلىكتەرىنەن - 2، سينگاپۋردەن - 2 جانە بولگاريا، وڭتۇستىك كورەيا، بەلگيا، رەسەي، كانادا، وزبەكستان، ەو، يزرايل ەلدەرىنەن 1 ۇمىتكەردەن ءوتىنىم بەرگەن.

كادرلىق رەزەرۆ باعىتتارى بويىنشا «مەملەكەتتىك باسقارۋدى دامىتۋ» - 2708 ۇمىتكەرمەن كوش باستاپ تۇر. ودان كەيىن «ءبىلىم بەرۋ جۇيەسىن دامىتۋ» بولىگى - 2303، «وڭىرلىك دامۋ» - 1590، ۇلتتىق ەكونوميكا مەن سىرتقى ساۋدانى دامىتۋ - 791، «جاڭا الەۋمەتتىك ساياسات» - 511 باعىتتارى جايعاسقان.

ەڭ از ۇمىتكەر «ىشكى ساياساتتى جەتىلدىرۋ» (449) جانە «دەنساۋلىق ساقتاۋ جۇيەسىن دامىتۋ» (286) باعىتتارىندا بايقالادى.