قازگيدرومەت: قىركۇيەكتىڭ 14-كۇنگى اۋا رايى بولجامى
كاسىپورىن تاراتقان دەرەكتەرگە قاراعاندا، رەسپۋبليكانىڭ باسىم بولىگىندە انتيتسيكلوننىڭ اسەرىنەن كۇن جاۋىن- شاشىنسىز بولادى. ق ر سولتۇستىگىندە، سولتۇستىك- باتىسىندا جانە وڭتۇستىك- باتىسىندا اتموسفەرالىق فرونتالدى بولىكتەردىڭ اسەرىنەن جاڭبىر جاۋادى، سولتۇستىك- باتىستا نايزاعاي وينايدى.
رەسپۋبليكانىڭ باتىسىندا، سولتۇستىگىندە، شىعىسىندا تۇمان، سولتۇستىگىندە، سولتۇستىك- باتىسىندا، وڭتۇستىك- شىعىسىندا، وڭتۇستىك- باتىسىندا جەل كۇشەيەدى. سولتۇستىك قازاقستان وبلىسىنىڭ سولتۇستىك- باتىسىندا تۇندە جانە تاڭەرتەڭ تۇمان تۇسەدى، كۇندىز وبلىستىڭ وڭتۇستىگىندە جەلدىڭ كۇشەيىپ، جىلدامدىعى سەكۋندىنا 15-20 مەترگە دەيىن بارادى.
پاۆلودار وبلىسىنىڭ وڭتۇستىگىندە تۇندە تۇمان ءتۇسىپ، كۇندىز شىعىسىندا، وڭتۇستىگىندە جەل سەكۋندىنا 18 م/س جىلدامدىقپەن سوعادى. تاڭەرتەڭ جانە كۇندىز قوستاناي وبلىسىندا نايزاعاي ويناپ، كۇندىز وبلىستىڭ سولتۇستىگىندە جەل 15-20 م/س جىلدامدىقپەن سوعادى.
كۇندىز ماڭعىستاۋ وبلىسىنىڭ وڭتۇستىك- شىعىسىندا جەل 15-20 م/س جىلدامدىقپەن سوعىپ، شاڭدى داۋىل تۇرادى. تاڭەرتەڭ جانە كۇندىز اقمولا وبلىسىنىڭ سولتۇستىگىندە جانە باتىسىندا جەل 15-20 م/س جىلدامدىقپەن ەسەدى.
جامبىل وبلىسىنىڭ سولتۇستىك- شىعىسىندا، وڭتۇستىك- باتىسىندا جەل 15-20 م/س جىلدامدىقپەن سوعادى. اتىراۋ وبلىسىنىڭ باتىسىندا، ورتالىعىندا تۇمان تۇسەدى. تۇندە شىعىس قازاقستان وبلىسىنىڭ سولتۇستىگىندە تۇمان تۇسەدى. تۇندە پاۆلودار وبلىسىنىڭ وڭتۇستىگىندە، قاراعاندى وبلىسىنىڭ سولتۇستىك- شىعىسىندا، شىعىس قازاقستان وبلىسىنىڭ باتىسىندا، سولتۇستىگىندە، سولتۇستىك- شىعىسىندا 3 گرادۋس ۇسىك جۇرەدى.
ماڭعىستاۋ، تۇركىستان وبلىستارىندا، الماتى، جامبىل، قىزىلوردا، اتىراۋ، اقتوبە وبلىستارىنىڭ باسىم بولىگىندە، قوستاناي، قاراعاندى وبلىستارىنىڭ وڭتۇستىك- باتىسىندا، باتىسىندا، باتىس قازاقستان وبلىسىنىڭ سولتۇستىك- شىعىسىندا، شىعىس قازاقستان وبلىسىنىڭ وڭتۇستىگىندە توتەنشە ءورت قاۋىپى ساقتالادى.
