باسەكەلەستىكتى قورعاۋ اگەنتتىگى بەنزين باعاسىنا قاتىستى 14 ەسكەرتۋ جىبەردى
«بۇگىنگى تاڭدا ا ي-92 ماركالى بەنزيندى ساتۋ نارىعىندا تۇراقتىلىق بايقالىپ وتىر. ءىرى جەلىلەردىڭ ساتۋ باعاسى ليترىنە 175 تەڭگەدەن اسپايدى. اگەنتتىك وڭىرلىك بەنزين ساتۋشىلارعا جانە «Petro retail»، «سينويل» جانە «گەليوس» سەكىلدى ءۇش ءىرى جەلىگە 14 حابارلاما جولدادى. بارلىق نۇسقاۋلار ورىندالدى. جالپى، رەسپۋبليكادا بەنزين باعاسىنىڭ تومەندەۋى ورتا ەسەپپەن 3 پايىزدى قۇرادى»، - دەدى س. جۇمانعارين ۇكىمەت وتىرىسىندا.
ديزەل وتىنىنا توقتالعان اگەنتتىك باسشىسى، قازىرگى كەزدە ءىرى جەلىلەردىڭ ساتۋ باعاسى ليترىنە 200 تەڭگەدەن اسپايتىنىن جەتكىزدى. اگەنتتىك وڭىرلىك ديزەل وتىنىن بولشەك ساۋدادا وتكىزۋشىلەرگە 19 ەسكەرتۋ جانە 4 ءىرى جەلىگە نۇسقاۋ جاسادى. وسى ورايدا «گازپرومنەفت- قازاقستان» ج ش س، «Petro retail» ج ش س، «سينويل» ج ش س جانە «گەليوس» ج ش س- عا جىبەرىلدى. بارلىق نۇسقاۋلار ورىندالدى. سونىمەن قاتار، بيىلعى 1-شىلدەدەن باستاپ ديزەل وتىنىنا اكسيز تونناسىنا 540 تان 9300 تەڭگەگە دەيىن وسكەنىن اتاپ وتكەن ءجون، بۇل باعاعا ورتا ەسەپپەن ليترىنە 8 تەڭگەگە دەيىن اسەرىن تيگىزەدى.