21:29, 02 - شىلدە 2021 | GMT +5
توكيودا 14 لەگيونەر قازاقستان اتىنان ونەر كورسەتەدى
نۇر-سۇلتان. قازاقپارات - مادەنيەت جانە سپورت ءمينيسترى اقتوتى رايىمقۇلوۆا توكيو وليمپياداسىنا قازاقستان اتىنان قانشا لەگيونەر قاتىساتىنىن ءمالىم ەتتى، دەپ حابارلايدى قازاقپارات.
«قازاقستان رەسپۋبليكاسىنىڭ وليمپيادا قۇراماسىنىڭ قۇرامىندا بۇرىندارى وزگە ەلدەردەن تارتىلعان 14 ادام بار. قازىر ولار - قازاقستان رەسپۋبليكاسىنىڭ ازاماتتارى. حالىقارالىق ەرەجە سونداي. ەگەر باسقا ەلدىڭ ازاماتى ۇلتتىق قۇراماعا الىنسا، مىندەتتى تۇردە سول ەلدىڭ ازاماتتىعىن الۋى كەرەك. اتالعان 14 ادامنىڭ ءبارى كوپتەن بەرى قازاقستاندا ءومىر ءسۇرىپ جاتىر جانە ءبىزدىڭ باپكەرلەردىڭ قول استىندا جاتتىعىپ جۇرگەنىن ايتقىم كەلەدى. سوندىقتان ولاردىڭ بۇكىل جەتىستىكتەرى قازاقستاندىق باپكەرلەرمەن بىرگە جاتتىعىپ، شىڭدالعاندارىنىڭ ارقاسى دەپ ءتۇسىنۋ كەرەك. ولاردىڭ جەتىستىكتەرگە جەتۋىنە ءبىزدىڭ قازاقستاندىق باپكەرلەر مەن مامانداردىڭ قوسقان ۇلەسىن ەشكىم جوققا شىعارا المايدى»، - دەدى اقتوتى رايىمقۇلوۆا ورتالىق كوممۋنيكاتسيالار قىزمەتىندە وتكەن بريفينگىدە.
