14- ناۋرىز - كورىسۋ كۇنى
كورىسۋ سالتى ءبىر كۇننىڭ اياسىمەن شەكتەلىپ قالمايدى، جىل بويى جالعاسا بەرەدى، دەپ حابارلايدى قازاقپارات ءتىلشىسى.
كورىسۋ — ادامداردىڭ ءبىر-بىرىنە امانداسىپ، جاقسىلىق تىلەيتىن قاۋىشۋ مەرەكەسى عانا ەمەس، سونداي-اق جاسى ۇلكەندەرگە ىزەت كورسەتىپ، ءىلتيپات بىلدىرەتىن ءداستۇرلى كورىنىس.
كورىسۋ سالتى ءبىر كۇنمەن شەكتەلىپ قالمايدى، جىل بويى جالعاسا بەرەدى.
بۇل كۇنى جاسى كىشىلەر قالا-اۋىلداعى اقساقال-اجەلەرىنىڭ ۇيىنە بارىپ، كورىسىپ، ءىلتيپات بىلدىرەدى. جاسى ۇلكەندەر كىشىلەرگە باتا بەرەدى.
سونداي-اق، ۇلكەندەر قول الىسىپ، الاقاندارىن ايقاستىرىپ جاتسا، ايەل ادامدار الدىمەن وڭ يىعىن، سوسىن سول يىعىن تۇيىستىرەدى.
بۇل مەرەكە ەلىمىزدىڭ باتىس وڭىرىمەن قوسا سىر بويىندا، قوستاناي، تورعاي ايماعىندا، رەسەيلىك استراحان، ساراتوۆ، سامارا، ورىنبور وبلىستارىندا تۇراتىن قازاقتار اراسىندا كەڭىنەن تويلانادى.
تاريح عىلىمدارىنىڭ كانديداتى جاڭابەك جاقسىعاليەۆتىڭ ايتۋىنشا، بۇل - وسكەلەڭ ۇرپاقتى ىزەت پەن مەيىرىمگە، اۋىزبىرشىلىك پەن كىشىپەيىلدىلىككە، تاتۋلىق پەن باۋىرمالدىققا باستايتىن ەرەكشە ۇردىستەردىڭ ءبىرى.