قازاقستاندا اراق ءوندىرىسى 14 پايىزعا وسكەن
بۇل باعىتتا زەرتتەۋ جۇرگىزگەن energyprom.kz بىلتىر اراق ساتىلىمى مەن ليكەرلى- اراق ونىمدەرىنىڭ ءوندىرىسى 20 پايىزعا ارتقانىن انىقتاعان، دەپ حابارلايدى قازاقپارات.
«2020 -جىلدىڭ قاڭتارى مەن جەلتوقسانى ارالىعىندا اراق ءوندىرىسى 2019 -جىلمەن سالىستىرعاندا 14 پايىزعا نەمەسە 22,2 ميلليون ليترگە ارتقان. ال 2019 -جىلعى كورسەتكىشتى الىپ قاراساق، 2018 -جىلى بۇل كورسەتكىش ء(وندىرىس كولەمى) 38,7 پايىزعا ازايعان ەدى. قازىرگى ۋاقىتتا قازاقستاننىڭ 17 ءوڭىرىنىڭ 6 سىندا اراق ءوندىرىسى جولعا قويىلعان. اسىرەسە اقمولا وبلىسىندا باسقا وڭىرلەردەن قاراعاندا (7,5 ميلليون ليتر) كوبىرەك وندىرىلەدى.
ودان كەيىن ورىنداردا سولتۇستىك قازاقستان (5,6 ميلليون ليتر) مەن الماتى وبلىسى (3,7 ميلليون ليتر) تۇر. ودان سوڭ شىمكەنت قالاسى (845 مىڭ ليتر) ورنالاسقان. ودان بولەك الماتى مەن اقتوبە وبلىستارىندا 4,6 ميلليون ليتر اراق شىعارىلادى»، - دەلىنگەن زەرتتەۋدە.
بولشەكتەپ ساتقان كەزدە ەلدە اراقتىڭ ءبىر ليترىنىڭ ورتاشا باعاسى 3203 تەڭگەنى كورسەتىپ تۇر. «ەڭ قىمبات اراقتار ءىرى قالالار مەن مەگاپوليستەردە ساتىلادى. ەلوردادا اراقتىڭ ليترىنىڭ ورتاشا باعاسى 3962 تەڭگە.
باعانىڭ قىمباتتىعى جاعىنان ودان كەيىن ورىنداردا اتىراۋ (ليترى 3931 ت گ ) مەن اقتاۋ (ليترى 3578 ت گ) تۇر. ەڭ ارزان اراق سەمەي (ليترى 2698 ت گ)، وسكەمەن (ليترى 2702 ت گ) جانە تارازدا (ليترىنە 2736 ت گ) ەكەن. اراق قازاقستانىڭ بارلىق ايماعىندا قىمباتتاعان. بۇل فاكتور اسىرەسە قىزىلوردا جانە كوكشەتاۋ، قاراعاندى قالالارىندا بايقالادى.