قازاقپارات كۇنتىزبەسى: 14- جەلتوقسان

ەستە قالار وقيعالار

1990 -جىلى قازاقستان رەسپۋبليكاسىنىڭ پرەزيدەنتى ن. نازاربايەۆتىڭ جارلىعىمەن قازاق اۋىل شارۋاشىلىعى عىلىمدارىنىڭ اكادەمياسى قۇرىلدى.

1992 -جىلى قازاقستان حالىقتارىنىڭ فورۋمى ءوتتى. وندا جاڭا قوعامدىق ينستيتۋت - قازاقستان حالىقتارىنىڭ كەلىسىمى مەن بىرلىگى اسسامبلەياسىن قۇرۋ تۋرالى العاشقى ۇسىنىس ءبىلدىرىلدى.

1997 -جىلى اقمولادا (قازىرگى نۇر- سۇلتان ق. ) ساياسي قۋعىن-سۇرگىن قۇرباندارىنا ەسكەرتكىش ورناتىلدى.

2009 -جىلى ا ق ش مەملەكەتتىك حاتشىسىنىڭ وڭتۇستىك جانە ورتالىق ازيا ءىسى بويىنشا ورىنباسارى روبەرت بلەيك العاش رەت ورتالىق ازياداعى باس كونسۋلدىعىن الماتىدا رەسمي تۇردە اشتى.

2011 -جىلى استانادا ق. قۋانىشبايەۆ اتىنداعى قازاق مۋزىكالىق دراما تەاترى مەن م. گوركي اتىنداعى ورىس دراما تەاترىنا اكادەميالىق دارەجە بەرىلدى. ق. قۋانىشبايەۆ اتىنداعى قازاق مۋزىكالىق اكادەميالىق دراما تەاترى 1991-جىلى قۇرىلعان. ال م. گوركي اتىنداعى ورىس اكادەميالىق دراما تەاترىنىڭ تاريحى 1900-جىلدان باستالادى.

2012 -جىلى مەملەكەت باسشىسى - ەلباسى نۇرسۇلتان نازاربايەۆ ەلورداداعى جاڭا وپەرا جانە بالەت تەاترىندا ق ر تاۋەلسىزدىگى كۇنىنە ارنالعان سالتاناتتى جينالىس بارىسىندا «قازاقستان-2050» ستراتەگياسى قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىن جاريالادى.

2012 -جىلى ۆارشاۆادا قازاقستان- پولشا ىنتىماقتاستىق جانە دامۋ كەڭەسى قۇرىلدى. بۇل كەڭەس قازاقستان مەن پولشا اراسىنداعى سەرىكتەستىك پلاتفورماسىن قالىپتاستىرۋعا، ەكى ەل اراسىنداعى ساۋدا- ىنتىماقتاستىق جانە مادەني- گۋمانيتارلىق بايلانىستى نىعايتۋعا ىقپال ەتەدى.

2012 -جىلى «قازمەديا ورتالىعى» باسقارۋشى كومپانياسى رەسمي تۇردە ازيا-تىنىق مۇحيتى حابار تاراتۋ وداعىنىڭ (The Asia-Pacific Broadcasting Union, ABU) تولىققاندى مۇشەسى بولدى. بەدەلدى ۇيىمعا مۇشە بولۋ ارقىلى الەمدىك تاجىريبەدەن، جاڭا تەحنولوگيالاردان، مەدياسالاداعى الەمدىك پروتسەستەردەن حاباردار بولۋعا مۇمكىندىك بار.

2016-جىلى رەسپۋبليكالىق دەڭگەيدەگى ەڭ ماڭىزدى نىساننىڭ ءبىرى - ەرتىس وزەنى ارقىلى وتەتىن ورتا ازياداعى ەڭ ۇلكەن كوپىر اشىلدى. كوپىردىڭ قۇرىلىسى ن. نازاربايەۆتىڭ تاپسىرماسىمەن باستالدى جانە ول «نۇرلى جول» باعدارلاماسىنىڭ ءبىر بولىگى سانالادى.

2016-جىلى يزرايل پرەمەر-ءمينيسترى بينيامين نەتانياحۋ استاناعا رەسمي ساپارمەن كەلدى. بۇل نەتانياحۋدىڭ ساياسي كارەراسىنداعى قازاقستانعا جاساعان العاشقى ساپارى بولدى. قازاقستان پرەزيدەنتى نۇرسۇلتان نازاربايەۆ يزرايلدىك پرەمەرمەن كەلىسسوزدەر جۇرگىزدى. باستى نازاردا ەكونوميكالىق ءوزارا ءىس-قيمىل ماسەلەسى بولدى. ولار بىرلەسكەن بيزنەس- فورۋمعا قاتىستى.

2017 -جىلى «استانا» حالىقارالىق قارجى ورتالىعىنىڭ قارجى قىزمەتتەرىن رەتتەۋ كوميتەتى (Astana Financial Services Authority, AFSA) يسلام قارجى قىزمەتتەرى كەڭەسىنىڭ (IFSB) تولىققاندى مۇشەسى بولدى.

2017 -جىلى 116 جولاۋشىسى بار، الدىڭعى ءشاسسيى جوق ۇشاقتى ءساتتى قوندىرا بىلگەن ۇشقىش، قازاقستاننىڭ حالىق باتىرى دميتري رودين «جىل پاتريوتى» قۇرمەت بەلگىسىمەن ناگرادتالدى.

2018 -جىلى قازاقستاندىق KazSTSat ميكروجەرسەرىگىنەن عارىشتا تۇسىرىلگەن العاشقى سۋرەت الىندى. وڭتۇستىك امەريكا اۋماعىنىڭ ۇستىمەن ۇشىپ وتكەن KazSTSat ارگەنتينانىڭ وڭتۇستىگىندەگى ءىرى كەمەجاي - ريو-گراندە قالاسىن سۋرەتكە ءتۇسىرىپ العان.

2019 -جىلى ك س ر و، قازاقستان سۋرەتشىلەر وداعىنىڭ مۇشەسى، ق ر سۋرەتشىلەر اكادەمياسىنىڭ كوررەسپوندەنت-مۇشەسى دۋلات قوسپانوۆ كيپر زاماناۋي ونەر مۋزەيىنە (كيپر، نيكوسيا قالاسى) 8 اۆتورلىق جۇمىسىن تاپسىردى. ولاردىڭ ىشىندە، اۆتوردىڭ ەڭ سۇيىكتى تۋىندىسى، ۇلى حاننىڭ كۇردەلى سيپاتىن دالمە-ءدال بەرەتىن مونۋمەنت جۇمىسى «ابىلاي حان» كارتيناسى (2019 ج.) بار. كيپردىڭ زاماناۋي ونەر مۋزەيى 14 تۇركى مەملەكەتتەرىنەن كەلگەن سۋرەتشىلەردىڭ تۋىندىلارىنا باي كوللەكتسياعا يە.

اتاپ ايتقاندا، وندا تۇركيا، ازەربايجان، قازاقستان، قارعىزستان، وزبەكستان، تۇركىمەنستان، گاگاۋزيا، تاتارستان، باشقۇرتستان، داعىستان، التاي، تۋۆا جانە حالاي رەسپۋبليكالارىنىڭ جۇمىستارى ۇسىنىلعان.

2019 -جىلى فرانسيانىڭ «L’essentiel Des Relations Internationales» جۋرنالىنىڭ بەتتەرىندە قازاقستان پرەزيدەنتى قاسىم-جومارت توقايەۆتىڭ العاشقى سۇحباتى جاريالاندى. 90 مىڭ دانا تيراجبەن شىعاتىن جۋرنال فرانسيا، شۆەيتساريا، بەلگيا، ليۋكسەمبۋرگ ەلدەرىندە تارالادى.