قازاقپارات كۇنتىزبەسى: 14-قىركۇيەك

ەستە قالار وقيعالار

1920-جىلى قازاقستان تاريحىندا تۇڭعىش ادىلەت حالىق كوميسسارى بولىپ عۇبايدوللا الىبەكوۆ تاعايىندالدى. ول باسشىلىق جاساعان تۇستا قالىڭمالدى توقتاتۋ، بارىمتا تۋرالى جانە ت. ب. دەكرەتتەردىڭ ەڭ العاشقى جوبالارى جاسالدى.

1920 -جىلدىڭ اياعىنا تامان ونىڭ باسشىلىعىمەن رەسپۋبليكادا 231 سوت جانە 111 تەرگەۋ ۋچاسكەلەرى قۇرىلدى.

1936 -جىلى الماتىنىڭ شىعىس بولىگىندە فرۋنزە اۋدانى قۇرىلدى.

1980 -جىلى كورشىلەس جاڭا اۋداننىڭ ۇيىمداسۋىنا بايلانىستى مۇنىڭ اۋماعى جانە شەكاراسى وزگەردى.

1995 -جىلعى جەلتوقساننىڭ 12 ىندە الماتى قالالىق ءماسليحاتىنىڭ شەشىمىنە سايكەس مەدەۋ اۋدانى بولىپ وزگەرتىلدى. بۇل اۋدان الماتى قالاسىنداعى ەڭ ادەمى جانە ۇلتتىق ساۋلەت ەلەمەنتتەرى، توڭىرەگىنىڭ تابيعات سۇلۋلىعى جانە قۇرىلىس يندۋسترياسىنىڭ جەتىستىكتەرى ۇلكەن تالعامپازدىقپەن ۇندەستىك تاپقان اۋدانداردىڭ ءبىرى بولىپ ەسەپتەلەدى.

1997 -جىلى وسكەمەندەگى كراسنووكتيابرسكايا كوشەسىنە مۇحتار اۋەزوۆتىڭ 100 جىلدىعىنا وراي جازۋشىنىڭ اتى بەرىلدى.

1999 -جىلى الماتىدا ا و س ش ك- عا مۇشە مەملەكەتتەردىڭ سىرتقى ىستەر مينيسترلەرىنىڭ العاشقى كەزدەسۋى بولدى. شارا اياسىندا ا و س ش ك- عا مۇشە مەملەكەتتەر اراسىنداعى قاتىناستاردى رەتتەيتىن پرينتسيپتەر دەكلاراتسياسى قابىلداندى.

2003 -جىلى اتىراۋ قالاسىندا يۋنەسكو شەڭبەرىندە اتاپ وتىلگەن ماحامبەت وتەمىس ۇلى مەرەيتويىنا ارنالعان حالىقارالىق عىلىمي- تاجىريبەلىك كونفەرەنتسياسى ءوتتى. قازاقستان رەسپۋبليكاسى پرەزيدەنتى ن. نازاربايەۆ اتىراۋ وبلىسىنىڭ ماحامبەت اۋدانىنا ساپارى بارىسىندا جاڭا مەشىتتىڭ جانە ماحامبەت وتەمىس ۇلى اتىنداعى ايماقتىق- تاريحي مۇراجايدىڭ اشىلۋ سالتاناتىنا قاتىستى.

2011 -جىلى تۇركيادا انكارا قالاسىنىڭ ەتيمەسگۋت اۋدانى مۋنيتسيپاليتەتى ۇيىمداستىرعان تۇركىتىلدەس ەلدەردىڭ 8- حالىقارالىق «انادولى كۇندەرى» مادەنيەت جانە ونەر فەستيۆالى ءوتتى. اۋداننىڭ ورتالىق الاڭىنداعى «قازاق ۇيىندە» قازاق حالقىنىڭ ەجەلگى داستۇرلەرى مەن ادەت- عۇرىپتارىن، ۇلتتىق كيىمدەرىن، قازاقستان تۋرالى باسپا ونىمدەرىن بەينەلەيتىن ەكسپوناتتار ۇسىنىلدى. سونداي-اق قازاقستان تۋرالى فوتوكورمە ۇيىمداستىرىلدى.

2011-جىلى اتىراۋلىق سپورتشى ەۆگەنيي ۋحوۆ 2 مينۋت ىشىندە 24 كەلىلىك گىر تاسىن 65 رەت كوتەرىپ، الەمدىك رەكورد ورناتتى. 56 جاستاعى سپورتشىنىڭ ارحانگەلسك قالاسىنداعى گىر سپورتى شەبەرلەرىنىڭ دۇنيەجۇزىلىك وليمپياداسىندا «جۇلقي كوتەرۋ- سپرينت» نوميناتسياسىندا ورناتقان وسى جەتىستىگى ءۇشىن ونىڭ ەسىمى گيننەستىڭ رەكوردتار كىتابىنا ەنگىزىلدى.

2012 -جىلى تالدىقورعاندا قازاقستان ك پ و ك ءبىرىنشى حاتشىسى دىنمۇحامەد قونايەۆتىڭ ەسكەرتكىشى اشىلدى. ءمۇسىنشىسى - قازاقستانعا ەڭبەگى سىڭگەن ساۋلەتكەر قابي باۋلىقوۆ.

2016 -جىلى الماتىدا توتەنشە جاعدايلار جانە اپاتتار قاۋپىن ازايتۋ ورتالىعى اشىلدى. ورتالىقتىڭ اشىلۋ سالتاناتىنا قازاقستان رەسپۋبليكاسى مەن قىرعىز رەسپۋبليكاسىنىڭ توتەنشە جاعدايلار سالاسىنداعى ۋاكىلەتتى ورگاندارىنىڭ باسشىلارى، ديپلوماتيالىق ميسسيالاردىڭ، ب ۇ ۇ اگەنتتىكتەرىنىڭ جانە حالىقارالىق ۇيىمداردىڭ وكىلدەرى قاتىستى.

2013 -جىلى استانادا بەيبىتشىلىك جانە كەلىسىم سارايىنىڭ ساحناسىندا قازاقستانداعى العاشقى «جەرۇيىق» ر و ك- وپەراسىنىڭ پرەمەراسى ءوتتى. شىعارمانىڭ نەگىزىنە اسان قايعىنىڭ جەرۇيىقتى ىزدەۋى تۋرالى قازاق اڭىزى الىنعان. رولدەردى قازاقستاندىق ەسترادا جۇلدىزدارى سومدادى، ال سپەكتاكلدى قويۋدا بەلگىلى رەسەيلىك قويۋشى- رەجيسسەرلەر جۇمىس ىستەدى.

روك-وپەرا جەرۇيىقتى ىزدەۋ جايلى بايانداپ قانا قويماي، قازاق حالقىنىڭ بىرلىگى تۋرالى دا ايتادى.

2015 -جىلى نيۋ-يوركتە ب ۇ ۇ شتاب-پاتەرىندە START (Skills and Technology Accelerating Rapid Transformation) اۋقىمدى جوباسى ىسكە قوسىلدى. جوبانىڭ ماقساتى - بولاشاقتىڭ تۇراقتى دامۋى ءۇشىن تەحنولوگيالىق دامۋعا جاردەمدەسۋ. جاڭا جوبانى باستاۋ قۇرمەتىنە ءال-فارابي اتىنداعى قازاق ۇلتتىق ۋنيۆەرسيتەتى يە بولدى. اتالمىش وقۋ ورنى - ب ۇ ۇ - نىڭ جاھاندىق حابى جانە يۋنەسكونىڭ تۇراقتى دامۋ جونىندەگى وڭىرلىك حابى. جوو الەمدەگى ەڭ ۇزدىك جوعارى تەحنولوگيالىق ۋنيۆەرسيتەتتەردىڭ توپ-50 قۇرامىنا كىرەدى.

2016 -جىلى الماتىدا توتەنشە جاعدايلار جانە دۇلەي ءزىلزالالاردىڭ قاۋىپ-قاتەرىن ازايتۋ جونىندەگى ورتالىق اشىلدى. ورتالىقتىڭ اشىلۋ سالتاناتىنا قازاقستان رەسپۋبليكاسى مەن قىرعىز رەسپۋبليكاسىنىڭ توتەنشە جاعدايلار سالاسىنداعى ۋاكىلەتتى ورگاندارىنىڭ باسشىلارى، ديپلوماتيالىق ميسسيالاردىڭ، ب ۇ ۇ اگەنتتىكتەرىنىڭ جانە حالىقارالىق ۇيىمداردىڭ وكىلدەرى قاتىستى.

2016 -جىلى ريو پاراليمپياداسىندا قازاقستان قورجىنىنا تۇڭعىش التىن مەدال سالعان زۋلفيا عابيدۋللينا پاراليمپيادا ويىندارى سپورتشىلارىنىڭ ۇزدىك ۇشتىگىنە ەندى. 50 جاستاعى سپورتشى ەركىن ادىسپەن 100 مەترگە جۇزۋدە جەڭىمپاز اتانعان بولاتىن.

2018 -جىلى قاراعاندىلىقتار 2011-جىلى ەستونيادا العاش رەت وتكەن World cleanup day بۇكىلالەمدىك سەنبىلىگىنە قاتىسۋعا شاقىرىلدى. بۇگىنگى كۇنى دۇنيەجۇزىلىك سەنبىلىكتەرگە 150 دەن استام ەلدىڭ تۇرعىندارى شىعادى. قازاقستان بۇل قوزعالىسقا العاش رەت قوسىلماق.