الماتىداعى جۇمىسىنا ورالاتىن وبلىس تۇرعىندارى 14 كۇن كارانتيندە بولادى
بۇل تۋرالى الماتى قالالىق كاسىپكەرلىك جانە ينۆەستيتسيالار باسقارماسىنىڭ باسشىسى ەركەبۇلان ورازالين بريفينگ بارىسىندا ايتتى، دەپ حابارلايدى قازاقپارات ءتىلشىسى.
«الماتى وبلىسى تۇرعىندارىن قالاعا كىرگىزۋ ماسەلەسى تالقىلانعان. ەڭ الدىمەن ولار 14 كۇندىك كارانتين ءتارتىبىن ساقتاۋى ءتيىس. تەك سودان كەيىن عانا جۇمىسقا جىبەرىلەدى. سونىمەن قاتار، كاسىپورىن باسشىلىعى جۇمىسشىلاردىڭ تۇراتىن جەرىن شەشىپ بەرۋى كەرەك. ويتكەنى، ولار قالاعا ەمىن- ەركىن كىرىپ- شىعا المايدى»، - دەيدى ەركەبۇلان ورازالين.
