قىتايدا جارىلىستان 14 ادام قازا تاپتى

گۋيان. قازاقپارات - قىتايدا كومىر شاحتاسىنداعى جارىلىستان 14 ادام قازا تاپتى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

قىتايدىڭ گۋيجوۋ پروۆينسياسىنىڭ وڭتۇستىك-باتىسىندا كومىر شاحتاسىندا كومىر مەن گاز قوپارىلىپ، سالدارىنان ون ءتورت كەنشى قازا تاپتى، تاعى ەكەۋى جەر استىندا قالىپ قويدى.

شينحۋا اگەنتتىگىنىڭ حابارلاۋىنشا، كومىر مەن گاز قوپارىلىسى سەيسەنبى كۇنى تۇنگى ساعات 01:00 شاماسىندا 23 شاحتەر جەر استىندا جۇمىس ىستەپ جاتقان كەزدە بولعان. جەتى جۇمىسكەر قاۋىپسىز جەرگە شىعارىلعان. 14 ادام قازا بولعان، ال ەكەۋى جەر استىندا قالىپ قويعان.

«توتەنشە جاعداي جاريالاندى، قۇتقارۋ وپەراتسياسى مەن تەرگەۋ جالعاسۋدا»، - دەپ جازادى شينحۋا.