12:40, 11 - مامىر 2018 | GMT +5
قازاقستاننىڭ مەملەكەتتىك قارىزى 14 تريلليون تەڭگەدەن استى
استانا. قازاقپارات - ەلىمىزدىڭ مەملەكەتتىك قارىزى %20 كە ءوسىپ، 14 تريلليون تەڭگەدەن استى، دەپ حابارلايدى Baq.kz اقپارات اگەنتتىگى finprom.kz اناليتيكالىق قىزمەتىنە سىلتەمە جاساپ.

2018-جىلدىڭ ناۋرىز ايىندا قازاقستاننىڭ مەملەكەتتىك جيىنتىق سىرتقى قارىزى 14,8 تريلليون تەڭگەنى قۇرادى. بۇل كورسەتكىش وتكەن جىلمەن سالىستىرعاندا %20,9 كە جوعارى.
ەلىمىزدىڭ جيىنتىق مەملەكەتتىك قارىزى 14,3 تريلليون تەڭگە (ءبىر جىلدا - %20,1 كە وسكەن) سىرتقى قارىزدان، 428,5 ميلليارد تەڭگە (%59,4 كە وسكەن) مەملەكەت كەپىلدەندىرگەن قارىزدان، 37,8 ميلليارد تەڭگە مەملەكەت كەپىلگە الۋى بويىنشا قارىزدان تۇرادى.
سونىمەن قاتار مەملەكەتتىك قارىزدىڭ وسۋىنە قازاقستان ۇكىمەتىنىڭ ىشكى قارىزىنىڭ ءوسۋى اسەر ەتكەن. ول ءبىر جىلدا %30,9 كە كوبەيىپ، 4,4 تريلليون تەڭگەدەن 5,7 تريلليون تەڭگەگە دەيىن كوتەرىلگەن.
سوڭعى 5 جىلدا مەملەكەتتىك قارىز 3,7 ەسەگە (10,8 تريلليون تەڭگە) ارتىپ، 4 تريلليون تەڭگەدەن 14,8 تريلليون تەڭگەگە دەيىن ۇلعايدى.