قازپوچتاعا جاسالعان شابۋىل: 14 ميلليون تەڭگەنى قاراقشىلار ۇرلاماعان
3- قاڭتار كۇنى پوليتسيا «قازپوچتادا» جۇمىس جاسايتىن ايەلدىڭ قىلمىسىن اشكەرلەپ، ونىڭ 3 سىبايلاسىن انىقتادى.
«قاراقشىلىق شابۋىل جاسالعان ءبولىم قىزمەتكەرلەرىنەن جاۋاپ الىندى. ولار شابۋىل جاسالعان كەزدە ەشقانداي شۋدى ەستىمەگەندەرىن ايتتى. الايدا 60 جاستاعى زابىرلەنۋشى ايەل كاسسا بولمەسىنە كىرە بەرگەن كەزدە بىرەۋلەردىڭ جەلكە تۇسىنان ۇرعان سوققىسىنان ەسىنەن تانىپ قالعاندىعى تۋرالى ايتىپ، شاعىمداندى»، - دەدى وبلىستىق ىشكى ىستەر دەپارتامەنتى باسپا ءسوز قىزمەتىنىڭ وكىلى باتىرحان سمايلوۆ.
پوليتسيا وقيعانىڭ بەينە جازباسىن ەگجەي-تەگجەيلى قاراپ، زابىرلەنۋشى ايەلدىڭ قاراقشىلىق وقيعاعا تىكەلەي قاتىستى بولعاندىعىن انىقتادى.
«تەرگەۋ ناتيجەسىنە سايكەس، 3- قاڭتاردا «قازپوچتا» ا ق- نىڭ 60 جاستاعى قىزمەتكەرى كاسسادا جەتپەيتىن اقشانى قاراقشىلاردىڭ كومەگىمەن تولتىرماق بولعاندىعى انىقتالدى. وسى ماقساتتا ايەل 3 سىبايلاسىن قىلمىستىق ىسكە تارتقان»، - دەدى باتىرحان سمايلوۆ.
ءىس بويىنشا تەرگەۋ امالدارى ءجۇرىپ جاتىر.
ەسكە سالا كەتەيىك، ءبىز بۇعان دەيىن 6- جەلتوقسان كۇنى قاراعاندى وبلىسىنىڭ قارقارالى قالاسىندا «قازپوشتا» ا ق پوشتا قىزمەتى بولىمشەسىنە بەلگىسىز ادامدار شابۋىل جاساپ، 14 ميلليون تەڭگەنى الىپ كەتكەندىگى تۋرالى حابارلاعان بولاتىنبىز.
