بوسقىن قىز مەترودا تاۋىپ العان 14 مىڭ ەۋرونى يەسىنە قايتاردى

استانا. قازاقپارات - يراكتان كەلگەن 16 جاسار بوسقىن قىز بەرلين مەتروسىندا تاۋىپ العان 14 مىڭ ەۋرونى زاڭدى يەسىنە قايتارىپ بەردى.
None
None

78 جاستاعى بەرلين تۇرعىنى اقشا سالىنعان سومكەسىن 15- قىركۇيەكتە كەشقۇرىم مەترو پويىزىندا قالدىرىپ كەتكەن.

جوعالعان زاتتى تاۋىپ العان قىز دەرەۋ مەترو قىزمەتكەرلەرىنە حابارلاسادى. ءبىراق ولار شاراسىزدىق تانىتقان. ارادا ەكى كۇن وتكەن سوڭ بوسقىندارعا ارنالعان ورتالىقتا تىرشىلىك كەشىپ جاتقان 16 جاسار قىز اناسىمەن بىرگە پوليتسيا بولىمشەسىنە كەلگەن.

ول قۇقىق قورعاۋ ورگانى قىزمەتكەرلەرىنە ۆاگوندا تاۋىپ العان سومكەنى تاپسىردى. وسىلايشا 14 مىڭ ەۋرو ءتۇپ-تۇگەل يەسىنە قايتارىلدى، دەپ جازادى Deutsche Welle.

سوڭعى جاڭالىقتار