ەش جەرى بۇلىنبەگەن 14 - عاسىرداعى قىلىش تابىلدى
استانا. قازاقپارات - پولشالىق قۇرىلىسشىلار XIV عاسىرداعى قىلىشتى كەزدەيسوق تاۋىپ الدى. ىرگەتاس قالاۋ جۇمىستارىنا دايىندىق كەزىندە ەكسكاۆاتور ماشينيسى توپىراقپەن بىرگە ەجەلگى قارۋدى الىپ شىققان.
قارۋدىڭ ەرەكشە ساقتالعانى بايقالادى: ءجۇزى مەن سابى مۇلدەم زاقىمدانباعان. سالماعى جەڭىل، نەبارى 1,5 كەلى. قىلىشتىڭ ۇزىندىعى 120 س م.، دەپ حابارلادى Popular Mechanics.
جادىگەردى زەردەلەگەن ارحەولوگتار قىلىش جوعالعان دەگەن تۇجىرىم جاسادى. قۇرىلىس ورنىندا ءبىر كەزدەرى مي باتپاق بولعان. ايبىندى رىتسار قىلىشىن ءتۇسىرىپ العان نەمەسە بالشىقتان تەزىرەك ءوتۋ ءۇشىن ادەيى تاستاعان دا بولۋى ىقتيمال.
