ءۇزىلىسسىز 14 جىل بويى بوسانعان ايەلدىڭ قازىرگى جاعدايى ادامداردى تاڭقالدىردى - فوتو
ءبىراق سول ەلدەگى رادفوردتار وتباسى قازىرگى كەزدە وتە اتاقتى. سەبەبى ولاردىڭ وتباسى 20 بالامەن كوبەيمەكشى. سيۋ العاش رەت 13 جاسىندا اياعى اۋىر بولىپتى. سودان كەيىن اراعا ەشقانداي ءۇزىلىس سالماي 14 جىل بويى بوسانىپ وتىرعان. 20 شاقتى بالانىڭ اتا- اناسى نوەل مەن سيۋ رەدفورد جۋرناليستەردىڭ نازارىندا بولۋعا ۇيرەنىپ قالعان.
رادفوردتار وتباسى بريتانياداعى كوپبالالى وتباسى رەتىندە تانىمال بولدى. 45 جاستاعى نوەل مەن 40 جاستاعى سيۋ ءجاسوسپىرىم كەزدەن بەرى بىرگە تۇرىپ كەلەدى. العاش رەت سيۋ 14 جاسىندا بوسانعان. سوڭعى 14 جىلدا سيۋ ءوز كۇيەۋىنە كوپ بالا سىيلادى. قۋانىشقا وراي وتباسىندا قارجى جاعىنان ەشقانداي ماسەلە جوق ەكەن. نوەل مەن سيۋ بيزنەسپەن اينالىسادى جانە دە ولاردىڭ تۇڭعىش بالاسى چەتە رەدۆورد تا كومەكتەسىپ تۇراتىن كورىنەدى. جاقىن ارادا ولار 20 بالانىڭ دۇنيەگە كەلۋىن تويلاماقشى. ولار 20 شىقتى بالانىڭ اتا- اناسى عانا ەمەس، سونىمەن بىرگە 3 نەمەرەنىڭ اتا- اجەسى بولىپ وتىر. كۇندەلىكتى ولاردىڭ كيىم- كەشەگى مەن تاماقتارىن الىپ وتىرۋ ءبىراز قيىنعا سوعاتىنىن مويىنداعان ەدى. ال سول كيىمدەردى جۋۋ تۋرالى مۇلدەم ءسوز قوزعاماعان دۇرىس سەكىلدى. قازىرگى ۋاقىتتا رەدفوردتار وتباسىندا 10 ۇل 9 قىز بار. ولاردىڭ دوستارى ەندىگى كەزەكتە دۇنيەگە قىز بالانىڭ كەلگەنىن قالاپ وتىر. سول كەزدە ۇل مەن قىزدىڭ سانى تەڭ بولاتىن ەدى دەيدى. بۇل وتباسىنداعى بالا سانى قازاق حالقى ءۇشىن اسا تاڭقالارلىقتاي جاعداي ەمەس شىعار. بۇرىندارى انالارىمىزدىڭ 13 جاستان باستاپ تۇرمىسقا شىعىپ، 10 نان استام بالانى دۇنيەگە اكەلىپ وتىرعان. الايدا قازىرگى ۋاقىتتا مۇنداي وقيعالار سيرەك كەزدەسەدى. ءار بالا ءوز نەسىبەسىمەن دۇنيەگە كەلەتىندىگىن رادفوردتار وتباسى دالەلدەدى.
دايىنداعان: اسەل وتەشوۆا «قامشى» سىلتەيدى