پاتەر ساتىپ الۋ ءۇشىن قازاقستاندىقتار 14 جىل اقشا جيناۋى قاجەت
مۇنداي كورسەتكىش 7 قالادا بايقالادى، ال تاعى ءۇش وڭىردە پاتەر باعاسى شارشى مەترىنە كەرىسىنشە، تومەندەگەن، - دەپ حابارلايدى Ranking.kz ساراپشىلارى.
ساراپشىلاردىڭ ايتۋىنشا، پەتروپاۆلدا پاتەر باعاسى شارشى مەترىنە قاتتى قىمباتتاعان. وندا جاڭا تۇرعىن ءۇيدىڭ شارشى مەترى 16,6 پايىزعا - 185,0 مىڭ تەڭگەگە قىمباتتاپ كەتكەن. پەتروپاۆلدان كەيىن الماتى قالاسى تۇر. مۇندا 2017 -جىلدىڭ ءساۋىر ايىندا جاڭا پاتەردىڭ شارشى مەترىنىڭ باعاسى 341,5 مىڭ تەڭگە بولعان.
ال 3-ورىندا سەمەي قالاسى تۇر. سەمەيلىكتەر قازىرگى ۋاقىتتا جاڭا پاتەردىڭ شارشى مەترىنە 154,5 مىڭ تولەۋى كەرەك. جاڭا پاتەرلەردىڭ باعاسىنىڭ ءوسۋى، ارينە، قازاقستاندىقتاردىڭ ءوز جىلجىمايتىن مۇلىگىن ساتىپ الۋعا قاراجات جيناۋعا دەگەن مۇمكىندىكتەرىنە شەكتەۋ قويادى.
ساراپشىلاردىڭ ايتۋىنشا، قازىرگى ۋاقىتتا جۇمىس ىستەپ جۇرگەن قازاقستاندىققا ءبىر بولمەلى پاتەر ساتىپ الۋ ءۇشىن (32 شارشى مەتر) 14 جىلدان اسا ۋاقىت كەرەك. ياعني، ول ادام 14 جىل بويى جالاقىسىنىڭ 30 پايىزىن پاتەر الۋعا جينايدى. سونداي-اق، ماماندار ەلىمىزدە يپوتەكالىق نەسيە بەرۋ نارىعىندا 17 ەكىنشى دەڭگەيلى بانك (ا ت ف، RBK، سبەربانك جانە سەسنابانك) جۇمىس ىستەپ جاتقانىن ايتىپ ءوتتى. جالپى، يپوتەكالىق قارىزدىڭ ماكسيمالدىق مەرزىمى 240 اي ەكەن.
