الماتى قارجى پوليتسياسىنىڭ ەكس-باسشىسى امانبايەۆ 14 جىلعا قامالۋى مۇمكىن
«سوت تالقىلاۋى بارىسىندا امانبايەۆتىڭ بيۋدجەتتىك قىزمەتكەر رەتىندەگى اي سايىنعى جالاقىسىنان باسقا تابىس كوزىنىڭ بولماۋىنا قاراماستان، قىلمىستىق توپتىڭ قۇرامىندا قىلمىستىق ارەكەتتەرى ارقىلى الىنعان اقشا قاراجاتتارىن تۋعان- تۋىستارىنىڭ اتىنا راسىمدەۋ ارقىلى زاڭداستىرعانى انىقتالدى. ناقتى ايتقاندا، 2014 -جىلدىڭ 29 -قاڭتارىندا لەكسۋس 350 كولىگى ساتىپ الىنىپ، ۇلىنىڭ اتىنا راسىمدەلگەن. باعالاۋ قۇنى 9 ميلليون 275 مىڭ تەڭگەنى قۇرايدى. جۇبايىنىڭ اتىنا قاراعاندىنىڭ كاربىشەۆ كوشەسى بويىنداعى جەر تەلىمى مەن كولىك تۇراعى بار پاتەر تىركەلگەن.
باعالاۋ قۇنى - 47 ميلليون 756 مىڭ تەڭگە. 2014 -جىلدىڭ 24 -جەلتوقسانىندا 2011 -جىلى شىعارىلعان تويوتا لاند كرۋزەر 200 كولىگى دە جۇبايىنىڭ اتىنا تىركەلگەن، ونىڭ دا باعالاۋ قۇنى 11 ميلليون 817 مىڭ تەڭگەنى قۇرايدى. 4 -جەلتوقساندا باعالاۋ قۇنى 3 ميلليون 95 مىڭ تەڭگەنى قۇرايتىن «شكودا وكتاۆيا» كولىگى ۇلىنىڭ اتىنا تىركەلگەن»، - دەپ اتاپ ءوتتى مەملەكەتتىك ايىپتاۋشى.
ول سوتتان ءامىرحان امانبايەۆتى كىنالى دەپ تاۋىپ، مەملەكەتتىك قىزمەتتە لاۋازىم اتقارۋ قۇقىعىنان ءومىر بويى ايىرىپ، مۇلكىن تاركىلەۋ ارقىلى قاتاڭ رەجىمدەگى تۇزەۋ كولونياسىنا جازاسىن وتەۋگە 14 جىلعا جىبەرۋدى سۇرادى. سونىمەن قاتار ق ر پرەزيدەنتىنە امانبايەۆتى «3 -سىنىپتى مەملەكەتتىك كەڭەسشى» شەنى مەن «قۇرمەت» جانە 2 -دارەجەلى «داڭق» وردەندەرىنەن ايىرۋ تۋرالى ۇسىنىس ەنگىزۋ قاجەتتىگىن اتاپ ءوتتى.
مۇنان بولەك، مەملەكەتتىك ايىپتاۋشى سەرگەي يليندى دە ايىپتى دەپ تانىپ، وعان مەملەكەتتىك قىزمەتتە لاۋازىم اتقارۋىنا ءومىر بويى، ال كاسىپكەرلىكپەن اينالىسۋعا 7 جىلعا تىيىم سالىپ، مۇلكىن تاركىلەۋ ارقىلى قاتاڭ رەجىمدەگى تۇزەۋ كولونياسىنا 16 جىلعا قاماۋدى سۇرادى.
«نۇرلان شاۋكەروۆتى مەملەكەتتىك قىزمەتتە لاۋازىم اتقارۋىنا ءومىر بويى، ال كاسىپكەرلىكپەن اينالىسۋعا 7 جىلعا تىيىم سالىپ، مۇلكىن تاركىلەۋ ارقىلى قاتاڭ رەجىمدەگى تۇزەۋ كولونياسىنا 16 جىلعا باس بوستاندىعىنان ايىرۋدى سۇرايمىن.
فەدوتوۆتى كاسىپكەرلىك قىزمەتپەن اينالىسۋىنا 7 جىلعا تىيىم سالا وتىرىپ، مۇلكىن تاركىلەۋ ارقىلى جالپى رەجىمدەگى تۇزەۋ كولونياسىنا 9 جىلعا جازاسىن وتەۋگە قاماۋ قاجەت»، - دەدى مەملەكەتتىك ايىپتاۋشى. سونىمەن قاتار ول مەملەكەت پايداسىنا ايىپتالۋشىلاردان 27 ميلليارد 712 ميلليون 858 مىڭ 253 تەڭگە ءوندىرىپ الۋ سۇرالدى.
