بەستوبە كەنتىندە ءبىر تاۋلىكتىڭ ىشىندە 14 التىن ىزدەۋشى ۇستالدى
پوليتسەيلەردىڭ مالىمەتى بويىنشا جىل باسىنان بەرى مۇندا 5200 التىن ىزدەۋشى ۇستالىپ، اقسۋ جانە بەستوبە كەنتىندەگى پوليتسيا بولىمشەلەرىنە جەتكىزىلگەن.
«وسى كۇنى ستەپنوگورسك قالاسىنىڭ ماڭىنداعى التىن كەنىشتەرىنە پايدا تابۋ ءۇشىن كورشى وبلىستارمەن قاتار، ەلىمىزدىڭ باتىس قازاقستان، وڭتۇستىك قازاقستان، جامبىل جانە الماتى وبلىستارىنان تۇرعىنداردىڭ كەلىپ وتىرعانى انىقتالىپ وتىر. وسىعان وراي، جول پاترۋلدىك پوليتسيا قىزمەتكەرلەرى ارنايى رەيدتتەر بارىسىندا 1000 استام كولىكتى تەكسەرگەن. قالا اۋماعىندا رۋدا وڭدەيتىن 25 شاعىن سەح، 20 توننادان استام قۇرامىندا التىنى بار كۆارتتس رۋداسى تاركىلەندى. وعان قوسا، بەستوبە جانە اقسۋ كەنتىندەگى شاحتالاردا تەرەڭدىككە زاڭسىز كىرۋ جولدارى انىقتالدى.
بارلىق وقيعالارعا بايلانىستى 160 قىلمىستىق ءىس قوزعالدى، ونىڭ ىشىندە 99 قىلمىستىق ءىس ق ر ق ك 334 - بابى بويىنشا، 4 قىلمىستىق ءىس ق ر ق ك 287 - بابى بويىنشا، 6 قىلمىستىق ءىس ق ر ق ك 196- بابى بويىنشا قوزعالدى.
زاڭسىز كەن قازۋ ادام ومىرىنە قاۋىپتى. سول سەبەپتى ءتارتىپ ساقشىلارى التىن ىزدەۋشىنى انىقتاپ، ولاردىڭ جولىن كەسۋ ارقىلى الدىن الۋ شارالارىن جۇزەگە اسىرۋدا.
«... التىن ىزدەۋشىلەر ارنايى كيىم مەن قۇرال- جابدىقسىز شاحتاعا تۇسەدى. قاۋىپسىزدىك ەرەجەلەرى ساقتالماعاندىقتان ولار جاراقات نەمەسە اجال قۇشۋى مۇمكىن»، دەيدى پوليتسەيلەر.
