قازاقستاندا جىل باسىنان «تابليعي جاماعات» ۇيىمىنىڭ 14 جاقتاسى سوتتالدى - فوتو
بۇل تۋرالى قازاقپارات ءتىلشىسىنىڭ رەسمي ساۋالىنا وراي ق ر ۇلتتىق قاۋىپسىزدىك كوميتەتىنەن ءمالىم ەتتى.
«ادەتتە، ەكسترەميستىك توپتىڭ قاتارىنا قوسىلۋ جاساقتاۋشى تارابىنان كانديداتتاردى يدەولوگيالىق «تازالاۋ» ارقىلى جۇزەگە اسىرىلادى. ولار باستاپقى كەزەڭدە ءوز قىزمەتتەرى تۋرالى شىنايى اقپاراتتاردى جاسىرىن ۇستايدى»، - دەپ حابارلادى ق ر ۇ ق ك- دەن.
سونىمەن قاتار كوميتەت قازاقستاننىڭ ەكى ازاماتىنىڭ پاكىستان ميگراتسيالىق قىزمەتى تارابىنان ۇستالعاندىعىن راستادى. ۇ ق ك مالىمەتتەرىنە سايكەس، ولار 10 -قىركۇيەك كۇنى تۇتقىنعا الىنىپ، 13 -قىركۇيەكتە بوستاندىققا جىبەرىلگەن.
ەستەرىڭىزگە سالا كەتسەك، قازاقستاندىقتار گۋجرات قالاسىندا ۆيزالىق رەجىمدى بۇزعانى ءۇشىن ۇستالدى. ولار «تابديعماركازى» (قازاقستاندا تىيىم سالىنعان «تابليعي جاماعات» ءدىني- ەكسترەميستىك ۇيىم جاقتاستارىنىڭ وقۋ ورنى) سەمينارىندا وقىپ جۇرگەن.
ەكى قازاقستاندىقتان باسقا، پاكىستاندا سۋداننان التى ازامات، قىتايدان بەس، يندونەزيادان ءتورت، تايلاند، فيليپپين، چادادان ەكى- ەكىدەن، مالايزيادان ءبىر ازامات تۇتقىنعا الىندى.
