دارىگەرلەر ايەلدىڭ اسقازانىنان 14 كەلى شاش الدى - فوتو
بۇل تۋرالى nz1.ru پورتالىنا سىلتەمە جاساپ stan.kz حابارلايدى.
23 جاستاعى سوفي كوكس سوڭعى جەتى جىلدا تريحوتيللومانيا ياعني ءوزىنىڭ شاشىن ءوزى جۇلىپ الاتىن اۋرۋعا شالدىققان. ەكى جىل بۇرىن دارىگەرلەر بويجەتكەنگە تريحوفاگيا ياعني ءوزىنىڭ شاشىن ءوزى جەپ قوياتىن دەرتكە شالدىققان دەگەن دياگنوز قويعان.
«مەن ءوزىمنىڭ شاشىمدى ويلانىپ وتىرىپ ءبىر تالداپ جۇلىپ الامىن. سوسىن ونى قالاي جەپ قويعانىمدى دا بايقاماي قالامىن. ءبىراق، وسى ادەتتىڭ مۇنشالىقتى قاۋىپتى ەكەنىن بىلمەپپىن» ، - دەيدى قىز.
ايەلدىڭ دەرتى جۇكتى بولعاننان باستاپ قاتتى بىلىنە باستاعان. ول سالماق قوسۋدىڭ ورنىنا كۇن ساناپ ارىقتاپ، جۇدەپ كەتكەن. ىشىندە بۇرىن سوڭدى بولماعان ءتۇيىلىپ اۋرۋ بەلگىلەرى سەزىلە باستاعان.
ال كەيىن بويجەتكەن بوسانىپ العاننان كەيىن تىپتەن باسىن كوتەرە الماي قالعان. دارىگەرلەر ونى ءجىتى تەكسەرە وتىرىپ اسقازانىندا سوڭعى 7 جىل بويىنا جينالعان 14 كەلى شىعاتىن شاشتىڭ بارىن انىقتاعان.
قازىر وتا جاسالعان كەلىنشەكتىڭ جاعدايى قالىپتى.