موحاممەد ءاليدىڭ جانازاسىنا 14 مىڭ ادام قاتىستى
9- ماۋسىمدا لۋيسۆيلل قالاسىندا يسلام عۇرپىمەن وتكەن جانازاعا بارلىق تىلەك ءبىلدىرۋشى قاتىسا الدى.
موحاممەد ءاليدىڭ جانازاسىنا الەمنىڭ تۇكپىر-تۇكپىرىنەن مۇسىلماندار جينالدى دەپ جازادى «ازاتتىق».
موحاممەد ءالي ءوزىنىڭ جەرلەۋ عۇرپىن ون جىل بۇرىن جوسپارلاپ، قوشتاسۋ ءراسىمى «ءوزى قالاي ءومىر سۇرسە، سونى كورسەتەتىندەي» بارلىق ءناسىل مەن مەن ءدىن وكىلدەرىنە اشىق بولعانىن قالاعان. ول جانازاعا كەز كەلگەن ادام قاتىسسىن، ولاردىڭ اراسىندا اق ناسىلدىلەر مەن قارا ناسىلدىلەر، مۇسىلماندار، ەۆرەيلەر مەن حريستياندار دا بولسىن دەگەن. جانازا سپورتشى 1960-جىلى ءوزىنىڭ العاشقى جەكپە-جەگىن وتكىزگەن Freedom Hall ارەناسىندا ءوتتى.
ا ق ش- تاعى كورنەكتى يسلام ءدىني جەتەكشىسى زايد شاكير ءاليدىڭ «بارلىعىن بىردەي جاقسى كورگەنىن» ايتادى.
موحاممەد ءالي 3- ماۋسىمدا 75 جاسقا قاراعان شاعىندا ا ق ش- تىڭ اريزونا شتاتىنداعى فەنيكس قالاسىنىڭ اۋرۋحاناسىندا دۇنيەدەن ءوتتى. ول ونداعان جىلدار بويى پاركينسون دەرتىمەن اۋىردى.
ول كۇنى بۇگىنگە دەيىن بوكس تاريحىندا اۋىر سالماقتا ءۇش مارتە الەم چەمپيونى اتانعان جالعىز ادام. موحاممەد ءالي رينگتە وتكىزگەن 61 جەكپە-جەكتىڭ 56 سىندا جەڭىسكە جەتىپ، ونىڭ 37 ءىن نوكاۋتپەن ۇتقان.
