10:00, 27 - ءساۋىر 2016 | GMT +5
بويجەتكەن باربي قۋىرشاعىنا ۇقساۋ ءۇشىن 14 مىڭ دوللار جۇمساعان
استانا. قازاقپارات - حەلسينكي تۇرعىنى جاسمين بريتني باربي قۋىرشاعىنا ۇقساۋ ءۇشىن ەكى جىلدا 14 مىڭ دوللار جۇمساعان.
1998 -جىلى ونى كولىك قاعىپ كەتكەن سوڭ، 26 جاستاعى بويجەتكەننىڭ دەنەسى مويىنىنان تومەن سال بولىپ قالعان.
سول كەزدەن بەرى بويجەتكەن سىرتقى كەلبەتىن ءجيى اۋىستىرىپ، وزگەرۋ ناتيجەلەرىنىڭ فوتوسۋرەتتەرى مەن بەينەجازبالارىن Facebook تە جانە ءوزىنىڭ YouTube ارناسىندا جاريالاعان. ونىڭ كيىمدەرى مەن ماكياجىنىڭ شىعىندارىن اتا-اناسى وتەدى.
سال بولعان بويجەتكەننىڭ ايتۋىنشا، ول بۇل باستاماسى ارقىلى تاعدىردىڭ وسىنداي سىناعىنا تاپ بولعان ادامداردى شابىتتاندىرعىسى كەلەدى. «مەن سىرتقى كەلبەتىمە كوپ كوڭىل بولەمىن. باسىما تۇسكەن جاعداي قالىپتى جانە تولىققاندى ءومىر سۇرۋىمە كەدەرگى بولعان جوق»، - دەدى بريتني.
عالامتورداعى بەلسەندىلىگىنەن باسقا، ول سال بولىپ قالعان باسقا ادامدارعا كەڭەس بەرىپ، وزدەرىنە دەگەن سەنىمدى ارتتىرۋعا كومەكتەسىپ ءجۇر.
