ءۇندىستان تۇرعىنى 14 تۋىسىن ءولتىرىپ، ءوز- وزىنە قول سالدى
قايعىلى وقيعا مۋمبايدان سولتۇستىك- شىعىسقا قاراي 30 شاقىرىم جەردە ورنالاسقان تحان قالاسىندا ورىن الدى.
پوليتسيا اقپاراتىنشا، سەنبى كۇنى كەشكە ۆارەكار جانۇياسىندا مەرەكەلىك جيىن بولعان.
ۇيدەگى ادامدار ۇيىقتاعان كەزدە ەر ادام ەسىكتى جاۋىپ، ايەلىن، سەگىز بالاسىن، ءۇش اپكەسى مەن اتا- اناسىن پىشاقتاپ ءولتىردى. كەيىن ءوزى اسىلىپ قالعان. قىلمىسكەردىڭ ءبىر اپكەسى عانا امان قالدى، ونىڭ ايقايلاعان داۋىسىن كورشىسى ەستىگەن.
ەسىك جابىق بولعاندىقتان، كورشىلەر تەرەزەنى سىندىرىپ كىرگەن. پوليتسيانى شاقىرتىپ، جاپا شەگۋشىنىڭ ۇيدەن شىعۋىنا كومەكتەستى.
جاراقاتتانعان قىزدى جاقىن ماڭداعى اۋرۋحاناعا جەتكىزدى. ول قاتتى ەسەڭگىرەپ قالعان.
قىلمىس سەبەپتەرى ازىرگە بەلگىسىز. ۆارەكار مەرەكەلىك شارالاردى ۇيىمداستىرۋشى بولىپ جۇمىس ىستەگەن كورىنەدى.
