امەريكاندىق ب ا ق- قا 14 جاسار قازاق قىزى موڭعولياداعى بۇركىتشى داستۇرلەرى تۋرالى ايتىپ بەردى - كەسكىن
وتتو بەلل نيۋ- يوركتە جۇمىس جاسايتىن ۇلى بريتانيا رەجيسسەرى. ول 15 كە تارتا قىسقا مەتراجدى فيلمدەر ءتۇسىردى.
ايشولپان تۋرالى فيلم ءتۇسىرۋدى ول 2014 -جىلعى ساۋىردە ينتەرنەتتە ورنالاستىرىلعان ونىڭ فوتوسۋرەتىن كورگەننەن كەيىن ۇيعاردى.
ايشولپان موڭعولياداعى بەلگىلى اڭشى- قازاق اعىلايدىڭ قىزى، ول وسى كونە اڭشىلىق ءداستۇرىن مەڭگەرگەن الەمدەگى بىردەن- ءبىر قىز بولسا كەرەك.
امەريكاندىق «Park City Television» تەلەۆيزياسىنىڭ «Park City Television» تاڭەرتەڭگىلىك شوۋىندا ايشولپان ءوزىنىڭ اڭشىلىق ونەرى تۋرالى ىقىلاسپەن ايتىپ بەردى، ونىڭ «اق قانات» دەپ اتالاتىن ءوز بۇركىتى بار. اعاسى ارمياعا قىزمەتكە اتتانعاننان كەيىن اكەسى ەجەلگى كوشپەلىلەردىڭ وسىناۋ ەجەلگى ونەرىنە قىزىن شىنداپ ۇيرەتە باستادى.
اكەسىنىڭ ايتۋىنشا، قىزى وسىناۋ ەجەلگى كاسىپكە ءوزى دەن قويا باستاعان. سوندىقتان دا ول قىزىنىڭ وسى كاسىپتى قۇشتارلىقپەن ۇيرەنگەن تاماشا قابىلەتىنە ءتانتى بولعان.
فيلمدە رەجيسسەر وسىناۋ نازىك جاننىڭ بۇكىل ءداستۇرلى كەدەرگىلەردى اتتاپ ءوتىپ، ەرلەرمەن قاتار بۇركىتشىلەر فەستيۆالىندە سايىسقا تۇسۋگە نيەتىن باياندايدى.
بۇركىت قىران تۇقىمىنان، حالىق ونى قاستەرلەپ، «التىن قىران» دەپ اتايدى، ويتكەنى ونىڭ باسى مەن موينىندا قوڭىر- التىن قاۋىرسىنى بار.
جىل سايىن ەتنيكالىق قازاقتار بايولكە پروۆينتسياسىنداعى بۇركىتشىلەر قاۋىمداستىعى مەن جەرگىلىكتى قازاقتار قوعامداستىعى وتكىزەتىن بۇركىتشىلەر فەستيۆالىنە قاتىسادى، ونىڭ بارىسىندا اركىم وزدەرى باپتاپ ءوسىرىپ وتىرعان قۇستارىنىڭ ونەرىن، اڭعا شىققانداعى ەپتىلىگى مەن شاپشاڭدىعىن كورسەتەدى.
بايولكە پروۆينسياسى التاي تاۋلارىنىڭ ەتەگىندە ورنالاسقان، سونداي-اق بۇل جەر باعزى زامانداردان بەرى كوشپەلى قازاقتاردىڭ تۋعان ولكەسى بولىپ كەلەدى. ولار وزدەرىنىڭ ءتىلىن، مادەنيەتى مەن داستۇرلەرىن ساقتاۋدا.
اڭعا قۇس سالۋ تاماق تابۋدىڭ عانا قارەكەتى ەمەس، سونىمەن قاتار ونەر جانە ويىن- ساۋىق ءتۇرى بولىپ سانالادى. قازاقستاندا دا بۇل ونەر وتە دامىپ كەلەدى. 2010 -جىلى بۇركىتشىلىك يۋنەسكو- نىڭ ادامزاتتىڭ ماتەريالدىق ەمەس مادەنيەتىنىڭ تىزىمىنە ەنگىزىلدى.
«ساندەنس» - تاۋەلسىز كينو ونەرىنىڭ حالىقارالىق فەستيۆالى. ول ا ق ش- تىڭ يۋتا شتاتىندا سيتي- پاركتە جىل سايىن قاڭتاردىڭ سوڭىنا قاراي وتكىزىلىپ كەلەدى. ساندەنس كينوينستيتۋتىنىڭ نەگىزىن 1981 -جىلى روبەرت رەدفورد قالاعان بولاتىن. العاشقى فەستيۆال 1985 -جىلى وتكىزىلدى، وعان 86 كارتينا قاتىستى.
