اناسى سايلاۋدا جەڭگەنى ءۇشىن باسەكەلەستەرى 14 جاسار قىزىن زورلاعان

استانا. قازاقپارات - ءۇندىستاندا 14 جاسار قىز ەكى ەركەك زورلاپ كەتكەننەن كەيىن ءوزىن ءوزى ءولتىردى.

بۇل تۋرالى The Independent حابارلادى.

بولجام بويىنشا، قىلمىستى جەرگىلىكتى سايلاۋدا قىزدىڭ اناسىنان جەڭىلىپ قالعان كانديداتتىڭ تۋىستارى جاساعان.

وقيعا ەلدىڭ سونىڭ الدىندا عانا سايلاۋ بولىپ وتكەن سولتۇستىك-شىعىسىنداعى ميرزاپۋر قالاسىندا ورىن العان. قىزدىڭ اناسى (اتى-ءجونى ايتىلماي وتىر) جەڭىسكە جەتكەنى بەلگىلى بولعان كەزدە ەر كىسىلەر ونىڭ ۇيىقتاپ جاتقان جاسوسپىرىم قىزىن ۇرلاپ اكەتىپ، ءۇيدىڭ ماڭىنداعى ەگىستىكتە زورلاعان.

ءجابىر كورۋشى وسىدان كەيىن اناسىمەن بىرگە پوليتسياعا شاعىمدانادى. الايدا، ءتارتىپ ساقشىلارى قىلمىستىق ءىس قوزعاي قويمايدى. ۋچاسكەدەن ۇيىنە ورالعان قىز سوسىن سۋيتسيد جاساعان.

ras.kz