دەپۋتاتتار نەكە قيۋعا 14 جاستان باستاپ رۇقسات بەردى

استانا. قازاقپارات - باشقۇرتستان قۇرىلتايىنىڭ مەملەكەتتىك جيىن دەپۋتاتتارى بەلگىلى ءبىر جاعدايلاردا 14 جاستان نەكە قيۋعا رۇقسات بەرەتىن زاڭدى قولداۋ شەشىمىن قابىلدادى، دەپ حابارلادى «ينتەرفاكس».

رەسپۋبليكانىڭ وتباسى كودەكسىنە ەنگىزىلگەن وزگەرىستەرگە سايكەس، نەكە قيۋ جاسى 18 دەن باستالادى. ال جۇكتىلىك، بالا تۋۋ سياقتى بەلگىلى ءبىر جاعدايلارعا بايلانىستى 14 جاستان نەكە قيۋعا رۇقسات بەرىلەدى.

«بۇل زاڭ جوباسى نەكە جاسىن ازايتپادى. ول ەڭ تومەنگى جاستى كورسەتەدى. بۇرىن ەڭ تومەنگى جاس بولماعان. زاڭ بابىنا سايكەس نەكە قيۋعا ءتيىستى رۇقسات بەرۋ الدىندا ءتيىستى ماتەريالدار تەرگەۋ ورگاندارىنا تەكسەرۋ ءۇشىن جىبەرىلەدى. قامقورلىق ورگاندارىنىڭ شەشىمىنەن كەيىن عانا نەكە قيۋعا رۇقسات بەرىلەدى»، - دەدى باشقۇرتستان پروكۋرورىنىڭ كومەكشىسى رۋسلان يسماگيلوۆ.

ول ايماقتا جىل سايىن 16 جاسقا تولماعاندار اراسىندا 10-20 نەكە قيۋ تىركەلەدى. ازىرگە 14 جاسقا دەيىنگىلەر اراسىندا نەكە قيۋ تىركەلمەدى.