الەمدىك زەرتتەۋ ورتالىعى: قازاقستان ريو وليمپياداسىندا 14 مەدال الادى
ونىڭ بولجاۋىنشا، قازاقستان ريو وليمپياداسىندا 2 التىن، 5 كۇمىس، 7 قولا مەدالمەن جالپى ەسەپتە 29- ورىن الۋى مۇمكىن.
«ريو وليمپياداسىندا قازاقستاندىق سپورتشىلار اراسىنان بوكسشى يۆان دىچكو مەن اۋىر اتلەت الەكساندر زايچيكوۆ چەمپيون اتانادى»، دەپ جازادى زەرتتەۋ ورتالىعى.
ال، بوكسشى دانيار ەلەۋسىنوۆ، پالۋان المات كەبىسپايەۆ، دزيۋدوشى ەلدوس سمەتوۆ، اۋىر اتلەتتەر جاسۇلان قىدىربايەۆ پەن نيجات راحيموۆ وليمپيادانىڭ كۇمىس مەدالىن الادى، دەپ بولجام جاساعان.
«Infostrada» زەرتتەۋ ورتالىعى جەتى قولانى ءزۇلفيا چينشانلو، كارينا گوريچيەۆا، الماس وتەشوۆ (اۋىر اتلەتيكا)، ۆاسيليي لەۆيت، ادىلبەك نيازىمبەتوۆ، جانىبەك ءالىمحان ۇلى (بوكس)، جەڭىل اتلەت ولگا رىپاكوۆا سىندى سپورتشىلارعا «بەرگەن».
ەسكە سالا كەتەيىك، التىن مەدال الاتىن سپورتشىلاردىڭ قاتارىنا يليا يلين ەنگىزىلمەگەن.
قازاقستان 2012 -جىلى لوندون وليمپياداسىندا قازاقستان ۇلتتىق قۇراماسى جەتى التىنمەن جالپى ەسەپتە 12- ورىندى يەلەنگەن ەدى.
