گولوۆكينمەن 14 جىل بۇرىن جۇدىرىقتاسقان بوكسشى ودان كەك الماق

استانا. قازاقپارات - WBO تۇجىرىمى بويىنشا ورتا سالماقتا الەم چەمپيونى، يرلانديالىق بوكسشى ەندي لي WBA (Super) ،IBO، WBC ،Interim جانە IBF چەمپيونى قازاقستاندىق گەننادي گولوۆكينمەن بىرىككەن جەكپە-جەك وتكىزۋدىڭ مۇمكىندىكتەرىن قاراستىرىپ جاتىر، - دەپ حابارلايدى Vesti.kz.

«مەن ونىڭ بەلبەۋلەرىن تارتىپ العىم كەلەدى. ونىڭ بەلبەۋلەرى ۇنايدى. ادەمى. تيتۋلىڭنىڭ بولعانى جاقسى، سەبەبى نەگىزگى پوزيتسيادا بولاسىڭ ءارى سەنىمەن ءبارى ساناسادى. مەن ونىڭ بەلبەۋىن تارتىپ العىم كەلەدى، ءبىراق ول دا مەنىكىنە شۇيلىگىپ ءجۇر. مەن ول ءۇشىن جولبارىسپىن، ول دا مەن ءۇشىن جولبارىس»، - دەپ مالىمدەدى لي.

سونىمەن قاتار، ول اۋەسقوي بوكستا قازاقستاندىقتان جۇدىرىقتاسىپ كورگەنىن، ءبىراق ودان كەيىن ءوزىنىڭ دە، گولوۆكيننىڭ دە وزگەرگەنىن اتاپ ءوتتى. «وتە قيىن جەكپە-جەك بولدى. ول اۋەسقويلار اراسىندا الەم چەمپيونى بولدى، مەن بولسام 18 جاستاعى جىگىت ەدىم، ونىڭ قانداي بوكسشى ەكەنىن ول كەزدە كىم ءبىلىپتى. شىن مانىندە جەڭىلىستىڭ اشى ءدامىن تاتتىم، ءبىراق قازىر جاعداي باسقا. جەكپە-جەك 14 جىل بۇرىن بولعان، قازىر ەكەۋمىز دە كەمەلدەندىك»، - دەدى يرلاند بوكسشىسى.

ەسكە سالايىق، 16- جەلتوقساندا ەندي لي ءوزىنىڭ تيتۋلىن قورعاپ قالۋ ءۇشىن جەڭىلىستى بىلمەيتىن 26 جاستاعى بيللي دجو سوندەرسپەن كەزدەسۋ وتكىزەدى.