قىلمىسقا قارسى باعىتتالعان شارادا 14 ادام قازا تاپتى

استانا. قازاقپارات - ۆەنەسۋەلا استاناسى كاراكاستا قىلمىسقا قارسى باعىتتالعان ارنايى وپەراتسيا كەزىندە 14 ادام مەرت بولىپ، بىرەۋى جاراقات الىپ، تاعى 134 ادام اباقتىعا جابىلدى. قامالعانداردىڭ ىشىندە 32 ادام شەتەل ازاماتتارى. كاراكاساتىڭ باتىسىندا ۇيىمداستىرىلعان شاراعا ۇلتتىق گۆارديا مەن پوليتسيانىڭ جۇزدەگەن قىزمەتكەرى جانە تىكۇشاقتار مەن بروندى كولىكتەر جۇمىلدىرىلدى.

ەستەرىڭىزگە سالايىق، ۆەنەسۋەلا كىسى ءولىمى جونىنەن وڭتۇستىك امەريكا ەلدەرىنىڭ ىشىندە الدىڭعى قاتاردا تۇر. ەلدە 100 مىڭ ادامعا شاققاندا، 82 كىسى ءولتىرۋ دەرەگى كەزدەسەدى. وسىلايشا ۆەنەسۋەلا الەمنىڭ ەڭ قاۋىپتى ەلدەرىنىڭ ءبىرى بولىپ وتىر.

نيكولاس مادۋرو، ۆەنەسۋەلا پرەزيدەنتى:

- «حالىقتى بوساتۋ» دەپ اتالاتىن قىلمىسقا قارسى باعىتتالعان وپەراتسيانىڭ ارقاسىندا كوپتەگەن قىلمىسكەر ۇستالدى. ولاردىڭ كوبى كولۋمبيادان كەلىپ، ەلىمىزدە ويلارىنا كەلگەنىن ىستەپ ءجۇر. وسىنىڭ سالدارىنان قاراپايىم حالىق زارداپ شەگۋدە. قىلمىستىڭ جايىلۋىن بولدىرماۋ ءۇشىن قولدان كەلگەننىڭ ءبارىن جاسايمىن.

www.24.kz