قىرعىزستاندىق 14 جاستاعى بالا ا ق ش پرەزيدەنتىنىڭ گراموتاسىنا يە بولدى

استانا. قازاقپارات - قىرعىزستاندىق بەكنازار ءالىقۇلوۆ ا ق ش-تىڭ ۇزدىك %10 وقۋشىلارى قاتارىنا ەندى، دەپ حابارلادى كيرتاگ-قا وقۋشىنىڭ اپەكەسى، «مير» مەملەكەتارالىق تەلەراديوكومپانياسى فيليالىنىڭ ديرەكتورى دينارا سۇيماليەۆا.

ونىڭ سوزىنە قاراعاندا، 14 جاستاعى بەكنازار التى جىل بۇرىن جانۇياسىمەن بىرگە ا ق ش-قا كەتكەن.

«قازىر ول 8 -سىنىپتى ءبىتىردى. ۆايومينگ شتاتى شەريدان قالاسىنداعى مەكتەپتە وقيدى. GPA بويىنشا 100 ۇپايدىڭ 100 ىن جيعان ول ا ق ش- تىڭ ۇزدىك %10 وقۋشىلارىنىڭ قاتارىنا ەنگەن»، - دەدى د. سۇيماليەۆا.

بەكنازار ۇزدىك وقىعاندىعى ءۇشىن ا ق ش پرەزيدەنتى باراك وبامانىڭ قولى قويىلعان گراموتاعا يە بولدى. وقۋشى بولاشاعىن مەديتسينامەن بايلانىستىرۋدى جوسپارلاپ وتىر.

اتاپ وتەيىك، ا ق ش-تا GPA (Grade Point Average) جۇيەسى بويىنشا وقۋ ۇلگەرىمىنىڭ ورتاشا ۇپايى ەسەپتەلەدى.