قازاقستان اسكەري قۋاتتى ەلدەردىڭ الەمدىك رەيتينگىندە 14 ساتىعا كوتەرىلدى
Global Firepower مالىمەتتەرىنشە، قازاقستاندا اسكەري قىزمەتكە جارامدى 6 ميلليون 438 مىڭ 168 ادام بار. بۇل كورسەتكىش بويىنشا قازاقستان 58- ورىندا.
ودان بولەك، قازاقستاندا 110 مىڭ اسكەري قىزمەتكەر (49- ورىندا) جانە 378 مىڭ رەزەرۆتەگىلەر (24- ورىن)، 300 تانكى (48- ورىن)، 1613 ب ت ر (بروندالعان ترانسپورتەرلار) (44- ورىن)، 285 ءوزى جۇرەتىن ارتيللەريالىق قوندىرعى (22- ورىن)، 744 دانا سۇيرەتپەلى ارتيللەريا (18- ورىن)، 393 دۇركىندەتىپ اتاتىن رەاكتيۆتى جۇيەسى (12- ورىن) بار ەكەن.
قازاقستاندا 233 دانا اۆياتسيالىق اسكەري تەحنيكا (41- ورىن) مەن 15 دانا جاعالاۋدى كۇزەتەتىن كەمەلەرى (87- ورىن) بار.
بۇل رەتتە قازاقستاننىڭ اسكەري بيۋدجەتى $2 ميلليارد 435 ميلليوندى قۇرادى. رەيتينگتە بۇل كورسەتكىش بويىنشا قازاقستان 59- ورىنعا كوتەرىلگەن.
رەيتينگتەگى العاشقى ءۇش ورىندا سايكەسىنشە، ا ق ش، رەسەي جانە قىتاي ورنالاسقان. ودان كەيىن ءۇندىستان، ۇلى بريتانيا، فرانسيا مەن سولتۇستىك كورەيا كەلەدى.
ۋكراينا 25- ورىندا، بەلارۋس - 45-، وزبەكستان - 54-، ازەربايجان - 63-، ارمەنيا - 74-، گرۋزيا - 75-، قىرعىزستان - 78-، تاجىكستان - 81-، تۇركمەنستان - 90- ورىندا.
سوڭعى ءۇش ورىندا مالي، موزامبيك جانە سومالي ورنالاسقان.
nur.kz
