مۇعالىم بولۋدان قاشۋعا 14 سەبەپ
2. ءبىلىم بەرۋ نەگىزىندە جالپى قوعامنىڭ مىندەتى ەدى، قازىر تەك قانا مەكتەپتىڭ شارۋاسى بولىپ قالدى. ءتىپتى كوپ ساندى ادامداردىڭ ساناسىندا مۇعالىم مەن ءبىلىم بەرۋ ءبىر ۇعىم.
3. مۇعالىم بەدەلىن كوتەرۋ دەگەن ۇران ايتىلا ايتىلا جاراپازانعا اينالدى. مۇعالىم جالاقىسىن كوتەرۋ كەرەك دەپ كوپ ايتىلادى، ءبىراق از ورىندالادى.
4. قوعامدا ءبىلىم بەرۋ سالاسى «قىزۋ تالقىلاناتىن» تۇيىنگە اينالدى، قالاعان ادام سىناپ مىنەي الادى، جۇدىرىعىن كورسەتىپ دوق كورسەتە دە الادى.
5. بارلىق ادام وقۋشىلارعا كوڭىل بولەدى، از ساندى ادامدار عانا وقىتۋشىلارعا كوڭىل بولەدى. اقىرىنداپ مۇعالىمدەرىمىز قوعامداعى ەڭ ءالسىز توپقا اينالۋدا.
6. باسقا بارلىق سالا قىزمەتكەرلەرىنىڭ ەمىن ەركىن ءومىر سۇرۋگە قۇقى بار. ال مۇعالىمدەر رەستوراندا جينالىپ كوڭىلىن كوتەرسە «مىنالاردىڭ جۇرگەن ءجۇرىسى مىناۋ، وقۋشى قايدان وڭسىن» دەگەن سياقتى سىپسىڭ ءسوز جەلدەي ەسەدى.
7. وقۋشى اۋليە، اتا انالار قۇداي بولدى، وقۋشى قاتەلىك وتكىزسە ۇنەمى مۇعالىم كىنالى بولىپ شىعادى.
8. مۇعالىمدەر - ءبىر جاقتان ۇبت، ەندى ءبىر جاقتان اتتەستاتسيا، سان جەتپەس تەكسەرۋلەر، وسىلاردىڭ اراسىندا قالت-قۇلت ەتىپ ءومىر سۇرۋدە.
9. بالاعا تاربيە بەرۋدە نەگىزىندە قاتاڭ بولاتىن جەردە قاتاڭ بولىپ، ماقتايتىن جەردە ماقتاپ وتىرۋ كەرەك ەدى. ال قازىرگى تاربيەدە وقۋشىعا بار ونەرىڭدى سالىپ جاعاتسىنۋدان باسقا ەشتەڭە قالمادى.
10. مەكتەپتەردى تەك ۇ ب ت ناتيجەسىمەن باعالاۋدان شىعاتىن قورىتىندى: جولىن تاپقاندار ۋنيۆەرسيتەتكە گرانتپەن تۇسەدى، جولىن تاپپاعان وزات وقۋشى اقىلى بولىمگە تۇسەدى، تەست جاتتاتقىزۋدىڭ جولىن مەڭگەرمەگەن تاجىريبەلى ۇستازىمىز سىنعا ۇشىرايدى.
11. مۇعالىمنىڭ ءبىر كۇندىك قىزمەتى باسقالار سياقتى 8 نە 9 ساعاتپەن اياقتالا ما؟ جوق مۇلدە ولاي ەمەس، شىن مانىندە مۇعالىمدەر جۇمىستان كەيىن دە، دەمالىس كۇندەرى دە ۇيىندە جۇمىسىن جالعاستىرادى، ءبىراق وعان اقى تولەنبەيدى.
12. «ناشار وقۋشى جوق، ناشار مۇعالىم بار» دەگەن سياقتى تاعىلىمدار، بار جاۋاپكەرشىلىكتى مۇعالىمدەرگە ارتىپ، «مۇعالىمدەر ايتەۋىر ەپتەپ سەپتەپ كۇن وتكىزەدى» دەگەن جاڭساق پىكىر قالىپتاستىردى.
13. مۇعالىمدى جۇمىسقا قابىلداۋ نەمەسە شىعارۋ دەيتىن ديرەكتوردىڭ شەكتەن تىس قۇزىرەتى، مۇعالىمدى جۋاسىتاتىن سيقىرلى تاياققا اينالدى.
14. ءوز ماماندىعى الدىنداعى كاسىبي جاۋاپكەرشىلىك پەن بيلىك ورگاندارىنىڭ قىسىمى سالدارىنان، ولار قالىپتى ادامداردا بولاتىن كۇلۋ، شاتتانۋ، اشۋلانۋ سياقتى ەموتسيالارىن جاسىرىپ قالۋعا ءماجبۇر بولۋدا. قىسقاسى قالىپتى ادامدار سياقتى جاساۋدان قالىپ بارادى.
serjan.kz
