توعىز جىل بۇرىن ۇشىرىلعان ناسا كەمەسى 14 - شىلدەدە پلۋتونعا جەتەدى

 استانا. قازاقپارات - امەريكالىق NASA عارىش اگەنتتىگىنىڭ New Horizons عارىش اپپاراتى 14 - شىلدەدە پلۋتون عالامشارىنىڭ جانىنان ۇشىپ وتەدى.

بۇل تۋرالى rosbalt.ru جازادى.

New Horizons  2006 - جىلعى قاڭتاردا ۇشىرىلعان. ءبىر جىلدان كەيىن ول جەرگە عالامشاردىڭ اتموسفەراسى مەن ماگنيتتى اياسى تۋرالى قۇندى اقپاراتتار جولداپ، 2,3 ميلليون شاقىرىم قاشىقتىقتا يۋپيتەر عالامشارىنىڭ جانىنان وتكەن.

2015 - جىلعى قاڭتاردا New Horizons پلۋتونعا ساپارىن جالعاستىرعان بولاتىن. NASA عالىمدارىنىڭ ەسەبى بويىنشا بۇرىن- سوڭدى ۇشىرىلعان عارىش اپپاراتتارىنىڭ ىشىندە ەڭ جىلدامى رەتىندە تاريحقا كىرگەن بۇل كەمە 14 - شىلدەدە نەبارى 12,5 مىڭ شاقىرىم قاشىقتىقتا پلۋتون عالامشارىنا جاقىن جەردە ايالدايدى.