قازاقستان مەن قىتاي كومپانيالارى اراسىندا 14 ميلليارد دوللاردىڭ كەلىسىمى جاسالدى
بۇل تۋرالى بۇگىن ۇكىمەت ۇيىندە ق ر پرەمەر- ءمينيسترى كارىم ماسىموۆپەن كەلىسسوزدەر وتكىزگەننەن كەيىنگى بريفينگتە ق ر مەملەكەتتىك كەڭەسىنىڭ پرەمەرى لي كىشياڭ ءمالىم ەتتى.
«قازىر عانا ءبىز ارىپتەسىم ق ر پرەمەر- ءمينيسترى كارىم ماسىموۆپەن شاعىن جانە كەڭەيتىلگەن قۇرامدا كەلىسسوزدەر وتكىزدىك. ونىڭ قورىتىندىسىندا ءبىز قىتاي مەن قازاقستان ۇكىمەت باسشىلارى اراسىنداعى ەكىنشى تۇراقتى كەزدەسۋدىڭ قورىتىندىسى بويىنشا كومينيۋكە قابىلدادىق» ، - دەدى ول.
ونىڭ اتاپ وتۋىنشە، كەلىسسوزدەر بارىسىندا ءتۇرلى سالاداعى ەكى ەلدىڭ ىنتىماقتاستىعىن تەرەڭدەتۋگە ءارى كەڭەيتۋگە باعىتتالعان اۋقىمدى ۋاعالاستىققا قول جەتكىزدى.
«سونىمەن قاتار، ءبىز كەلىسسوزدەردىڭ قورىتىندىسىندا قىتاي مەن قازاقستاننىڭ مۇددەلى ۆەدومستۆولارى مەن كومپانيالارى اراسىنداعى ءبىرقاتار ماڭىزدى قۇجاتتارعا، كەلىسىمدەرگە قول قويىلۋىنىڭ كۋاسى بولدىق. كەلىسىمدەر مەن ۋاعدالاستىقتاردىڭ جالپى جيىنتىق قۇنى 14 ميلليارد دوللاردى قۇرايدى. وسى كورسەتكىشتىڭ ءوزى مەنىڭ كورشىلەس ەلدەرگە جاساعان ساپارلارىمنىڭ ەڭ جوعارى ناتيجەسى» ، - دەدى لي. كىشياڭ.
اۆتور: مارلان جيەمباي
