كوشى-قون زاڭناماسىن بۇزعان شەتەلدىكتەرگە 14 ميلليون تەڭگە ايىپپۇل سالدى

استانا. قازاقپارات - ق ر ءى ءى م كولىكتەگى ءى ءى د- ءنىڭ كوشى-قون پوليتسياسى اعىمداعى جىلدىڭ 9-ايىندا ق ر كوشى-قون زاڭناماسىنىڭ تالاپتارى بۇزىلۋىنا جول بەرمەۋ ماقساتىندا دەپارتامەنتتىڭ قىزمەت كورسەتۋ اۋماعىنداعى كوشى-قون پروتسەستەرىن باقىلاۋدى قامتاماسىز ەتەتىن اۋقىمدى ءىس-شارالاردى جۇزەگە اسىردى.

دەپارتامەنتتىڭ كوشى-قون پوليتسياسى باسقارماسىنىڭ باستىعى پوليتسيا پولكوۆنيگى عاني شىمىربايەۆتىڭ ايتۋىنشا، دەپارتامەنتتىڭ قىزمەت كورسەتۋ اۋماعىندا كوشى-قون زاڭناماسىن بۇزعانى ءۇشىن 34 قىلمىستىق ءىس قوزعالدى، ونىڭ 14 ءى مەملەكەتتىك شەكارادان زاڭسىز وتكەندەر، 6 ۋى (ق ر ق ك 330-1- بابى) زاڭسىز كوشى-قون ۇيىمداستىرعاندار (ق ر ق ك 330-2- بابى).

كوشى-قون زاڭناماسىن بۇزعانى ءۇشىن اكىمشىلىك جاۋاپكەرشىلىككە بارلىعى 1562 ازامات تارتىلدى.

سوت قاۋلىلارىمەن قازاقستان رەسپۋبليكاسىنىڭ اۋماعىنان 28 شەتەلدىك ازامات تىسقارى شىعارىلدى.

كوشى-قون زاڭناماسىن بۇزعان شەتەلدىكتەرگە 14 ميلليون تەڭگە اكىمشىلىك ايىپپۇل سالىندى، دەپ حابارلايدى كولىكتەگى ءى ءى د باسپا ءسوز قىزمەتى.