وتباسى كۇنىندە پەتروپاۆلدىق 14 اتا-انا شاتتىققا شومدى

پەتروپاۆل. قازاقپارات - پەتروپاۆلدا وبلىستىق پەريناتالدىق ورتالىقتا وتباسى كۇنىندە 14 نارەستە دۇنيەگە كەلدى، دەپ حابارلايدى س ق و ءبىلىم باسقارماسىنىڭ باسپا ءسوز حاتشىسى ينننا قالىمبەت.

مەرەكە قارساڭىندا اتالمىش ورتالىقتا وبلىس اكىمىنىڭ ورىنباسارى انارحان دۇيسەنوۆا مەن ىسكەر ايەلدەر قاۋكىمداستىعىنىڭ وبلىستىق فيليالىنىڭ ءتورايىمى باقىتجان سامييەۆا بولدى. ولار جاس انالارعا تيىسىنشە سىي-سياپات كورسەتتى.

«سابيلەرىڭىزگە جاقسى دەنساۋلىق تىلەيمىن! ولار قازاقستاننىڭ دەنى ساۋ، مىقتى ءارى لايىقتى ازاماتتارى بولىپ ءوسسىن!»، - دەگەن ىزگى تىلەگىن ءبىلدىردى انارحان دۇيسەنوۆا.

سولتۇستىك قازاقستاندىق ليليا تىلەپبەرگەنوۆانىڭ وتباسى قۇرعانىنا 15 جىلعا جۋىقتاعان. ونىڭ 10 جانە 5 جاسار ۇل بالالارى بار، ەندى، مىنە، كوپتەن كۇتكەن قىز نارەستەسىن ءسۇيىپ وتىر.

قازىرگى تاڭدا ورتالىقتىڭ بوسانۋدان كەيىنگى بولىمىندە 60 انا بار، سوڭعى ەكى كۇن ىشىندە 30 ءسابي (15 ۇل بالا جانە 15 قىز بالا) دۇنيە ەسىگىن اشقان. ولاردىڭ 14 ى وسى سوڭعى تاۋلىكتىڭ ىشىندە تۋعان.