اۋەجايدا ەۋروپا ەلدەرىنىڭ 148 ءتولقۇجاتىنىڭ بلانكىسى بار ەكى ادام ۇستالدى

استانا. قازاقپارات - ستامبۇل اۋەجايىندا پيتستسا دايىنداۋعا پايدالانىلاتىن قۇرال-جابدىقتاردىڭ اراسىنا جاسىرىپ، ەۋروپا ەلدەرىنىڭ 148 ءتولقۇجاتىنىڭ بلانكىسىن الىپ وتپەك بولعان ەكى ادام ۇستالدى، دەپ حابارلايدى Associated Press.

بۇل تۋرالى تۇرىك ۇكىمەتىنىڭ وكىلى ءمالىم ەتكەن. ونىڭ ايتۋىنشا، قۇجاتتار شىنايى. كوپشىلىگى فرانسۋز پاسپورتتارى، ارالارىندا گەرمانيا،  ۇلى بريتانيا جانە يرلانديانىڭ دا ءتولقۇجاتتارى بار.

ۇستالعانداردىڭ ءبىرى اتا تەگى تۇرىك بەلگيا ازاماتى، ال ەكىنشىسى سيريا ازاماتى.

قازىرگى ۋاقىتتا قۇقىق قورعاۋ ورگاندارى بۇل ءتولقۇجاتتاردىڭ كىمگە ارنالعاندىقتارىن تەكسەرىپ جاتىر.