ەلدە 148599 نەكە بۇزىلعان
بۇل تۋرالى پرەمەر- مينيستر ءاليحان سمايىلوۆ ءماجىلىس دەپۋتاتتارىنىڭ ساۋالىنا جولداعان جاۋابىندا ايتتى، دەپ حابارلايدى قازاقپارات ءتىلشىسى.
«تولىق ەمەس وتباسىلار» ساناتىن «باقىتتى وتباسى» باعدارلاماسىنا قايتارۋ تۋرالى ايتساق، قازىرگى تاڭدا تۇرعىن ءۇي الۋعا كەزەكتە مىناداي ساناتتاعى ازاماتتار تۇر: كوپ بالالى وتباسىلار (103 مىڭ ازامات)، 1 جانە 2 توپتاعى مۇگەدەكتىگى بار ادامدار (54 مىڭ ازامات)، مۇگەدەكتىگى بار بالالارى بار وتباسىلار (25 مىڭ ازامات)، جەتىم بالالار (63 مىڭ ازامات).
سونىمەن قاتار، «باقىتتى وتباسى» باعدارلاماسى ىسكە قوسىلعان ساتتەن باستاپ «تولىق ەمەس وتباسىلار» ساناتىنداعى كەزەك % 75 وسكەن. (2019ج. - 85,4 مىڭ ازامات كەزەكتە بولسا، 2023ج. - 150,2 مىڭ بولعان) جانە ولاردىڭ ۇلەسى كەزەكتە تۇرعانداردىڭ جالپى سانىنىڭ (641 مىڭ ادام) % 24- ىنا جەتكەن. بۇل ءوز كەزەگىندە كەزەكتە تۇرعانداردىڭ جاساندى وسۋىنە اكەلدى. باسقا ساناتتار اراسىندا الەۋمەتتىك نارازىلىق تۋدىردى. كوبىنەسە باعدارلاماعا قاتىسۋ جانە وسى سانات بويىنشا تۇرعىن ۇيگە مۇقتاجداردى ەسەپكە الۋ ءۇشىن جالعان نەكە قيۋ، مارتەبەنى ساقتاۋ نەمەسە الۋ ماقساتىندا نەكە قيۋدى ادەيى بولدىرماۋ بەلگىلەنگەندىكتەن، وسى سانات الىنىپ تاستالدى»، - دەپ تۇسىندىرەدى ۇكىمەت باسشىسى.
ءاليحان سمايىلوۆ كەلتىرگەن انىقتاماعا سۇيەنسەك، 2019-2021 -جىلدارى ەلدەگى اجىراسۋلار سانى 148599-عا جەتكەن. اجىراسۋ فاتكىلەرى اسىرەسە 5-9 جىل ارالىعىنداعى نەكەلەر اراسىندا بايقالعان.
«باسپانا كەزەگىندە تۇرعانداردىڭ، ونىڭ ىشىندە تولىق ەمەس وتباسىلاردىڭ تۇرعىن ءۇي ماسەلەلەرىن شەشۋ ءۇشىن ءبىرقاتار ءتۇرلى تەتىكتەر كوزدەلگەن:
- رەسپۋبليكالىق جانە جەرگىلىكتى بيۋدجەتتەر قاراجاتى ەسەبىنەن ساتىپ الۋ قۇقىعىنسىز جالعا بەرىلەتىن تۇرعىن ءۇي سالۋ نەمەسە ساتىپ الۋ؛
- جەكە تۇرعىن ءۇي قورىندا جالداۋ اقىسىن سۋبسيديالاۋ؛
- كرەديتتىك تۇرعىن ءۇي سالۋ جانە كىرىستەردىڭ بولۋىنا بايلانىستى «وتباسى بانكى» ا ق- دا (بۇدان ءارى - وتباسى بانكى) جارنا بويىنشا % 5 جەڭىلدىكپەن كرەديتتەۋ»، - دەپ جازىلعان جاۋاپتا.
