قازاقستاندا 147 ادامنىڭ 20 جانە ودان دا كوپ باسپاناسى بار - «وتباسى بانك» باسشىسى

«ازاماتتارعا ارنالعان ۇكىمەت» كوممەرتسيالىق ەمەس اكسيونەرلىك قوعامىنىڭ مالىمەتىنشە، 2021 -جىلدىڭ اياعىندا 6,3 ميلليون ادامنىڭ مەنشىگىندە ءۇي بار. 19 ميلليون حالىق بار دەسەك، سونىڭ ىشىندە 6,3 ميلليون دەگەن جامان ستاتيستيكا ەمەس. ەگەر بىزدە 10 ميلليونعا جۋىق ەكونوميكالىق بەلسەندى حالىق بار دەسەك، 60 پايىزىنىڭ مەنشىگىندە ءۇي بار بولىپ شىعادى. بۇل تاۋەلسىزدىكتىڭ 30 جىلدىعىنداعى جاقسى كورسەتكىش. ەگەر قۇرىلىمىنا زەر سالساق، 5,6 ميلليون ادامنىڭ باسىندا ءبىر باسپانادان بار»، - دەدى «وتباسى بانك» باسشىسى.

ونىڭ ايتۋىنشا، قازاقستاندا 717 مىڭ تۇرعىندا ەكى باسپانادان بار. ونىڭ ىشىندە 607 مىڭ ادامنىڭ باسىندا ەكى پاتەر، 84394 ادامنىڭ اتىندا 3 جىلجىمايتىن مۇلىك تىركەلگەن. 16509 ادامنىڭ اتىندا 4 جىلجىمايتىن مۇلىك نىسانى تىركەلگەن. ءبىر باسىندا 5 نىسانى بارلاردىڭ سانى الدەقايدا از - 4823. 1935 ادامدا 6 پاتەردەن بار.

«شامامەن 147 ادامنىڭ 20 جانە ودان دا كوپ باسپاناسى بار. بۇل 6,3 ميلليون پاتەرگە شامامەن 4,3 ميلليون وتباسى يەلىك ەتەدى»، - دەپ تۇيىندەدى يبراگيموۆا.

Tengrinews.kz