ماسكتىڭ جاڭا ماشيناسىنا 146 مىڭ تاپسىرىس تۇسكەن
ماشينا ديزاينى «ۇستارا جۇزىمەن جۇگىرۋ» (Blade Runner) فانتاستيكالىق فيلمىندەگى ماشينالارعا ۇقساتىپ جاسالعان. ماسكتىڭ ماشيناسىنىڭ 3 نۇسقاسى بار.
ءبىرىنشىسى، تولىق قۋاتپەن 300 شاقىرىم جۇرە الادى، ماشينادا ءبىر قوزعالتقىش. ونىڭ باعاسى - 39990 دوللار. ەكىنشىسى تولىق قۋاتپەن 550 شاقىرىم جۇرەدى، ەكى قوزعالتقىشى بار، باعاسى - 49990 دوللار. ۇشىنشىسىندە 3 قوزعالتقىش بولىپ، باعاسى - 69990 دوللار، ول ءبىر تولىق قۋاتپەن 900 شاقىرىم اراقاشىقتىقتى باسىپ وتە الادى.
يلون ماسك ەلەكتروكاردى تانىستىرۋ كەزىندە، پيكاپ وق وتكىزبەيتىنىن، ونىڭ ەسىكتەرى SpaceX زىمىرانىنا قولدانىلعان بەرىك مەتاللدان جاسالعانىن ايتقان ەدى. ءبىراق تانىستىرىلىم كەزىندە تەرەزەلەرىن تەمىر شارمەن ۇرعاندا سىنىپ قالعان. تانىستىرىم ءساتسىز وتكەنىنە قاراماستان يلون ماسك 146 مىڭ دانا ماشيناعا تاپسىرىس العانىن مالىمدەدى.
«ءدال قازىر 146 مىڭ تاپسىرىس ءتۇستى. تاپسىرىس بەرگەندەردىڭ 42 پايىزى 2 قوزعالتقىشتى ەلەكتروكاردى، 41 پايىزى 3 قوزعالتقىشتى ماشينانى، 17 پايىزى 1 قوزعالتقىشتى پيكاپتى تاڭداعان. ەشقانداي جارناماسىز»، - دەپ جازدى ماسك تۆيتتەر پاراقشاسىنا.
Massaget.kz
