كانادادا 145 بالانىڭ اكەسى كوپ ايەل العانى ءۇشىن ايىپتالدى
استانا. قازاقپارات - بريتانيالىق كولۋمبيا سوتى (كانادا) 61 جاستاعى ۋينستون بلەكموردى كوپ ايەل العانى ءۇشىن ايىپتى دەپ تانىدى، دەپ حابارلايدى Yahoo News.
ۋينستوننىڭ 24 ايەلى مەن 145 بالاسى بار. سونداي- اق ونىڭ بەس ايەلى بار بۇرىنعى بالدىزى دا كوپ ايەل العانى ءۇشىن كىنالى بولدى.
جەرگىلىكتى زاڭ بويىنشا، ەر ازامات بەس جىلعا باس بوستاندىعىنان ايىرىلۋى مۇمكىن.
بلەكمور 25 جىلدىڭ ىشىندە 24 ايەلگە ۇيلەنگەن. ول قۇدايدىڭ ءامىرىن ورىندادىم دەپ مالىمدەدى، دەپ جازدى ينتەرفاكس.
سۋديا ونىڭ شەشىمىنىڭ ءدىني كوزقاراستارعا قاتىسى جوق ەكەنىن اتاپ ءوتتى، بۇل تەك كوپ نەكەلىلىك ماسەلەسىنە قاتىستى. بارلىق نەكە مورمون داستۇرىنە ساي جاسالعان.
پروكۋرورلار بلەكموردى 20 جىل بۇرىن سوتتاماقشى بولعان، الايدا بۇل ءىستىڭ ءدىني تۇرعىدا قۋعىنداۋ بولىپ باعالاناتىنىنان قاۋىپتەنگەن.
2011 -جىلى بريتانيالىق كولۋمبيا سوتى كوپ نەكەلىكتىڭ سوڭى دىنگە سەنۋشىلەردىڭ بوستاندىعىن شەكتەۋ بولىپ تابىلاتىندىعىن ايتتى.
مورمون شىركەۋىنىڭ نەگىزگى تارماعى كوپ نەكەلىكتەن باس تارتقاندىعى اتالىپ وتىلەدى.
