14:36, 08 - قاڭتار 2017 | GMT +5
قىتايدا 145 ميلليون جىل بۇرىنعى دينوزاۆرلاردىڭ ءىزى تابىلدى
استانا. قازاقپارات - عالىمدار قىتايدىڭ وڭتۇستىك-باتىس بولىگىنەن 145 ميلليون جىل بۇرىنعى دينوزاۆرلاردىڭ ءىزىن تاپتى.

بۇل ىزدەر ەجەلگى زاماندا ءومىر سۇرگەن الىپ كەسىرتكەلەردىڭ ءومىرى جايلى اقپارات الۋعا مۇمكىندىك بەرەدى، دەپ حابارلايدى meganewsweb.com.
ديزنوزاۆرلاردىڭ ءىزى قىتايدىڭ وڭتۇستىك-باتىسىندا ورنالاسقان گۋيجوۋ پروۆينتسياسىنان تابىلدى. زەرتتەۋشىلەر ەجەلگى تىرشىلىك يەلەرىنىڭ ءىزىن بيتسزە وكرۋگىندەگى جارتاستاردان تاپتى. يۋرا كەزەڭىندەگى جانۋارلاردىڭ تاسقا تۇسكەن تابان ءىزى بىلتىر كۇزدە تابىلعان ەدى، الايدا ىزدەرگە جاسالعان ساراپتاما ەكى ايعا سوزىلدى.
ىزدەردىڭ ۇزىندىعى 40 سانتيمەتر. ونى عالىمدار بيىكتىگى 6 مەتردەن اساتىن دينوزاۆرلاردىڭ ءىزى دەپ بولجاپ وتىر. اسىرەسە، ءتورت اياقتى وسىمدىك قورەكتى زاۋروپودتاردىڭ ءىزى بوپ شىعۋى مۇمكىن.