يندونەزيادا جەر بەتىندەگى ەڭ كارى تۇرعىن - 145 جاستاعى ەر ادام تۇرادى

 استانا. قازاقپارات - جەر بەتىنىڭ ەڭ كارى ەر ادامى 145 جاستا، دەپ حابارلايدى Daily Mail.

ياۆا ارالىنىڭ تۇرعىنى مباح گوتونىڭ ايتۋىنشا، ول 1870 -جىلى 31 - جەلتوقساندا دۇنيەگە كەلگەن. قازىر ونىڭ ءجۇرىپ- تۇرۋى قيىنعا تۇسەدى. وزدىگىنەن تاماقتانۋى دا وڭايعا سوقپاي تۇر. گوتونىڭ حابارلاۋىنشا، ونىڭ ون شاقتى اعا- اپكەلەرى مەن 4 ايەلى بولعان. قازىر ول ءوزىنىڭ نەمەرە- شوبەرەلەرىمەن، شوپشەكتەرىمەن بىرگە تۇرادى.

 مباح گوتو رەسمي تۇردە الەمنىڭ ەڭ كارى ادامى بولىپ سانالمايدى، سەبەبى ونىڭ قاجەتتى قۇجاتتارى جوق. گوتودا تەك ءتولقۇجات بار، ال ول قۇجاتتا تۋعان جىلى ونىڭ ايتۋى بويىنشا جازىلعان. سوندىقتان دا الەمدەگى ەڭ كارى تۇرعىن بولىپ 122 جاستاعى فرانسيالىق جاننا كالمان ەسەپتەلەدى.