ق ر- دا بالالار قۇرىلتايىنا دۇنيەجۇزىلىك قازاق دياسپوراسىنىڭ 144 وكىلى جيىلدى

دەپ حابارلادى رەسپۋبليكالىق وقىتۋ- ساۋىقتىرۋ ورتالىعىنىڭ باسپا ءسوز قىزمەتىنەن.
10 اۋىسىمنىڭ قاتىسۋشىلارى تاياۋ جانە الىس شەتەلدەگى قازاق دياسپوراسىنىڭ وكىلدەرى، ۆوكالشىلار، اسپاپشىلار مەن بيشىلەردىڭ رەسپۋبليكالىق، حالىقارالىق بايقاۋلارىنىڭ جەڭىمپازدارى بولدى. اتالعان اۋىسىمدا قازاقستاننىڭ تۇكپىر- تۇكپىرىنەن كەلگەن بالالارمەن بىرگە دۇنيەجۇزىلىك قازاق دياسپوراسىنىڭ 144 وكىلى بولدى. سونىڭ ىشىندە 34 بالا قىتايدان، 36 بالا رەسەيدەن، 30 بالا وزبەكستاننان، 34 - موڭعوليادان، 9 بالا قىرعىزستاننان جانە 1 قىز شۆەتسيادان كەلگەن.
كەزدەسۋدىڭ نەگىزگى يدەياسى تابيعاتتىڭ اسەمدىگى مەن ۇيلەسىمىن، قورشاعان ورتانىڭ بولمىسى مەن قۇبىلىستارىن تانۋ، ەستەتيكالىق تالعامدى، شىعارماشىلىق مۇمكىندىكتەردى دامىتۋ، وزىندىك شىعارماشىلىق قىزمەتتى تارتۋ.
ءار كۇنى قىزىقتى، كوڭىلدى شارالار ۇيىمداستىرىلدى. سونىڭ ىشىندە اۋىسىمنىڭ سالتاناتتى اشىلۋ شاراسى بار. وعان ق ر س ءى م ەرەكشە تاپسىرمالار بويىنشا ەلشىسى سماعۇلوۆ اعىباي دىنكەن ۇلى جانە دۇنيەجۇزىلىك قازاقتار قاۋىمداستىعى پرەزيديۋمى ءتوراعاسىنىڭ ءبىرىنشى ورىنباسارى ماماشيەۆ تالعات اسىل ۇلى جانە باسقا دا قوناقتار قاتىستى.
10 اۋىسىمنىڭ ەڭ ماڭىزدى جوباسى «تالانت شوۋ» شىعارماشىلىق بايقاۋى بولدى. جوبادا بالالار ءوز تاڭداۋلارى بويىنشا ءتورت جانرعا: ۆوكال، اسپاپشىلار، حورەوگرافيا جانە مانەرلەپ وقۋ سىندارىنا قاتىسا الدى. ءبىرىنشى كەزەڭگە 46 بالا قاتىستى، ولاردىڭ 26-سى 2 - كەزەڭگە ءوتتى. 3 - كەزەڭگە 15 ادام جولداما الدى. «تالانت - شوۋ» جوباسىنىڭ جەڭىمپازى كىم بولدى؟ ەڭ دارىندى قاتىسۋشى دەپ اتىراۋ قالاسىنىڭ وكىلى 11 جاسار ەلەمەسوۆا شۇعىلا تانىلدى. وعان سىيلىق رەتىندە ءمۇسىن مەن «بالداۋرەن» كادەسىيلار ءونىمى تابىستالدى.