وتباسىلىق جانجالدان جاپا شەككەندەر ءۇشىن 143 ورتالىق اشىلادى - ۆيتسە-مينيستر

وسكەمەن. قازاقپارات - اقپارات جانە قوعامدىق دامۋ ۆيتسە-ءمينيسترى ەۆگەني كوچەتوۆ شىعىس قازاقستان وبلىسىنا جۇمىس ساپارىمەن كەلىپ، تۇرعىندارمەن كەزدەستى، دەپ حابارلايدى قازاقپارات ءتىلشىسى.

ءوڭىر تۇرعىندارىمەن جۇزدەسۋدە ەۆگەني كوچەتوۆ كوپبالالى وتباسىلاردى جانە جاستاردى قولداۋ ماقساتىندا قانداي شارالار اتقارىلىپ جاتقانىن ايتىپ بەردى.

«وتباسىلارعا قولداۋ كورسەتۋ، وتباسىلىق جانجالداردى شەشۋ جانە بالالارى بار ايەلدەردى ۋاقىتشا ورنالاستىرۋ جونىندەگى ورتالىقتاردى قۇرۋ بويىنشا جۇمىس جۇرگىزىلۋدە. 2021-2022 -جىلدارى ەلىمىزدە 68 وتباسىن قولداۋ ورتالىعى اشىلدى. 2025 -جىلعا دەيىن تاعى 143 ورتالىق اشۋ جوسپارلانىپ وتىر»، - دەدى ول.

ش ق و-دا 3794 كوپبالالى وتباسى تۇرادى. ونىڭ ىشىندە 2660 ىندا ءتورت جانە ودان دا كوپ كامەلەتكە تولماعان بالالارى بار. 152 از قامتىلعان وتباسى اتاۋلى الەۋمەتتىك كومەك الادى.

«دارىندى جاستاردى جانە ولاردىڭ ءتۇرلى گرانتتىق جوبالارىن قولداۋ جونىندەگى شارالار كەشەنىن ىسكە اسىرۋ جالعاسادى.2029 -جىلعا دەيىن 1 ميلليون اۋىل جاسىن جۇمىسقا ورنالاستىرۋ، 1,5 ميلليون جاستىڭ سيفرلىق ساۋاتتىلىعىن ارتتىرۋ، 3,8 ميلليون جاستى رەسۋرستىق ورتالىقتار ارقىلى الەۋمەتتىك قىزمەتتەرمەن قامتاماسىز ەتۋ كوزدەلۋدە، - دەدى ۆيتسە-مينيستر.

ەۆگەني كوچەتوۆتىڭ ايتۋىنشا، جاستار مەن ۆولونتەرلىك باستامالاردى دامىتۋعا باعىتتالعان جوبالاردى گرانتتىق قارجىلاندىرۋ ۇلعايادى. سونداي-اق جىل سايىن جاس عالىمداردىڭ زەرتتەۋلەرىنە 1000 گرانت بەرىلمەك.