اۋىراتلەت 143 كەلى زىلتەمىر كوتەرىپ قايتىس بولدى - فوتو

استانا. قازاقپارات - امەريكانىڭ انكەني (شتات ايوۆا) قالاسىنداعى جاتتىقتىرۋ زالىندا جازاتايىم وقيعا بولدى.

22 جاستاعى جەرگىلىكتى تۇرعىن كايل تومسون 143 كەلى زىلتەمىردى كوتەرىپ قايتىس بولدى، - دەپ حابارلايدى WHO- TV.

جاس سپورتشى زىلتەمىرمەن جاتتىعۋ جاساپ جاتقان ساتتە، زىلتەمىر قولىنان شىعىپ كەتىپ، موينىنا تۇسكەن. زارداپ شەككەن جىگىت بىردەن اۋرۋحاناعا جەتكىزىلگەن. ءبىراق دۇيسەنبىدە ول قايتىس بولعان.

اۋىر اتلەتيكادان نۇسقاۋشى گرەگ شۋننىڭ ايتۋىنشا، زىلتەمىر جىگىتتىڭ قولىنان ءتۇسىپ كەتكەن كەزدە زالدا بىرنەشە ادام بولعان. الايدا ولار بۇل قايعىلى وقيعانىڭ الدىن الا الماعان.

سونداي-اق، 22 جاستاعى جەرگىلىكتى كايل تومسوننىڭ ايوۆا شتاتىنداعى ۋنيۆەرسيتەتتە وقىعانى ايتىلادى. «ول جاقسى جىگىت بولاتىن، مىقتى سپورتشى، ۇزدىك ستۋدەنت بولاتىن. ونى مەكتەپتە جانە اينالاداعىلاردىڭ بارلىعى سىيلايتىن»، - دەدى گرەگ شۋن.