قىتايلىق كىتاپحانا قىزمەتكەرى تانىمال سۋرەتشىلەردىڭ 143 كارتيناسىن ۇرلاعان

استانا. قازاقپارات - قىتايدا كىتاپحانا قىزمەتكەرى سوتتا ءوزىنىڭ گۋاڭجوۋ بەينەلەۋ ونەرى اكادەمياسى گالەرەياسىنداعى 143 پولوتنونى جىمقىرىپ كەتكەندىگىن مويىندادى، دەپ حابارلايدى Associated Press.

 شياو يۋان ەسىمدى قىتايلىق اكادەميانىڭ ءبىر بولىگى بولىپ ەسەپتەلەتىن گالەرەياعا جاۋاپتى بولعان. ول وسىندا ەكى جىل بويى، 2006 -جىلعا دەيىن كارتينالاردىڭ ءتۇپنۇسقالارىن ۇرلاپ كەلگەن.

ال ونىڭ ورنىنا ءوز قولىمەن سالعان كوشىرمەلەردى اۋىستىرىپ وتىرعان. ءبىر قىزىعى، ارادا ءبىرشاما ۋاقىت وتكەننەن سوڭ الگى كوشىرمە تۋىندىلار دا قولدى بولا باستاعان. ولاردىڭ ورنىنا ساپاسىز جاسالعان جاڭا كوشىرمەلەر قويىلادى.

ۇرلانعان شىعارمالاردى ول اۋكتسيوندارعا شىعارىپ وتىرعان. سونىڭ ارقاسىندا 2004 -جىلدان 2011 -جىلعا دەيىن بۇرىنعى كىتاپحاناشى 34 ميلليون يۋانعا بايىعان (التى ميلليون دوللار). كانىگى ۇرى وسى ارالىقتا اتاقتى سۋرەتشىلەردىڭ 125 كارتيناسىن ساتىپ ۇلگەرگەن.