گايتيدە جەر سىلكىنىسىنەن قازا تاپقاندار سانى 1419 عا جەتتى

گاۆانا. تاسس-قازاقپارات - سەنبى كۇنى گايتيدە بولعان جەر سىلكىنىسىنەن قازا تاپقاندار سانى 1419 عا جەتتى، 7 مىڭعا جۋىق ادام جاراقاتتاندى.

بۇل تۋرالى دۇيسەنبى كۇنى مەملەكەتتىك تەلەارنا ەفيرىندە رەسپۋبليكانىڭ ازاماتتىق قورعاۋ باسقارماسى ءمالىم ەتتى، دەپ حابارلايدى قازاقپارات تاسس اگەنتتىگىنە.

«قازىرگى كەزدە ازاماتتىق قورعاۋ باسقارماسى 1 419 قازا تاپقان ادامدى تىركەدى: ولاردىڭ 1133 ى وڭتۇستىك دەپارتامەنتىندە، 162 سى گراند-انس، 122 سى نيپپ جانە ەكەۋى سولتۇستىك- باتىس دەپارتامەنتتە انىقتالعان. سونىمەن قاتار ءبىز 6,9 مىڭنان اسا ادامنىڭ ءتۇرلى جاراقاتتار العانىنان حاباردارمىز»، - دەپ مالىمدەدى ۆەدومستۆو وكىلى.

بيلىك دەرەكتەرى بويىنشا، وڭىردەگى 37 مىڭعا جۋىق عيمارات تولىعىمەن نەمەسە جارتىلاي قيراعان، قازىرگى كەزدە قۇتقارۋشىلار ۇيىندىلەردىڭ استىنان ادامداردى ىزدەستىرۋدە. سەنبى كۇنى تاڭەرتەڭ گايتيدە 7,2 بالدىق جەر سىلكىنىسى بولدى. ءزىلزالا وشاعى شامامەن 125 مىڭ حالقى بار لە-كە كوممۋناسىنان 40 شاقىرىم جەردە ورنالاسقان، تەرەڭدىگى - 10 ك م. قاتتى زارداپ شەككەن دەپارتامەنتتەر قاتارىندا وڭتۇستىك، گراند-انس جانە نيپپ دەپارتامەنتتەرى بار.

ۇكىمەت ءبىر ايعا توتەنشە جاعداي ورناتتى.

اۆتور: ءبيبىحان سەرىكوۆا